ବାରିପଦାରେ ସେକ୍ସ ରାକେଟ୍‌ : 30 ଯୁବକ ଯୁବତୀଙ୍କ ସହିତ 3 ମ୍ୟାନେଜର ଅଟକ

ମୟୂରଭଞ୍ଜ ବାରିପଦାରେ ସେକ୍ସ ରାକେଟ ଠାବ ହୋଇଛି । ବାରିପଦାର 3ଟି ଲଜ୍‌ ଉପରେ ଚଢାଉ କରି ପୋଲିସ 30 ଯୁବକଯୁବତୀଙ୍କୁ ଅଟକ ରଖିଛି । ଏହା ସହିତ ତିନୋଟି ଲଜ୍‌ର ମ୍ୟାନେଜରଙ୍କୁ ମଧ୍ୟ ପୋଲିସ୍‌ ଅଟକ ରଖିଛି । କିଛି ଦିନ ହେବ ମୟୂରଭଞ୍ଜ ଜିଲ୍ଲା ବାରିପଦା ସହରରେ ଥିବା କେତେକ ହୋଟେଲରେ ବେଆଇନ ଭାବେ ଦେହ ବ୍ୟବସାୟ ଚାଲିଥିବା ଅଭିଯୋଗ ରହିଥିଲା । ସୂଚନା ପାଇ ଟାଉନ ଥାନା ପୋଲିସ ଆଜି ବିଭିନ୍ନ ସ୍ଥାନରେ ଚଢାଉ କରିଥିଲା ।

ରାଜଧାନୀରେ ସେକ୍ସ ରାକେଟ୍‌ ଠାବ : 6 ଗିରଫ,4 ଯୁବତୀ ଉଦ୍ଧାର

ଭୁବନେଶ୍ୱରରେ ପୁଣି ସେକ୍ସ ରାକେଟ୍‌ ଚେର ଲମ୍ବିବାରେ ଲାଗିଛି । ଖଣ୍ଡଗିରିର ଏମ୍ସ ନଗରର ଏକ ହୋଟେଲ୍‌ରରେ ଚଢାଉ କରି ପୋଲିସ 2 ଦଲାଲଙ୍କ ସମେତ 6 ଜଣଙ୍କୁ ଗିରଫ କରିଛି । ଏହା ସହିତ 6 ଜଣ ବଙ୍ଗୀୟ ଯୁବତୀଙ୍କୁ ମଧ୍ୟ ଉଦ୍ଧାର କରାଯାଇଛି । ମାଷ୍ଟରମାଇଣ୍ଡ ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ପୁଲିସ୍‌ ଆପତ୍ତିଜନକ ସାମଗ୍ରୀ ସହ ଟଙ୍କା ମଧ୍ୟ ଜବତ କରିଛି । ଏହି ଘଟଣା ସହ ନିଜର ସମ୍ପୃକ୍ତିକୁ ହୋଟେଲ ମାଲିକ ଅସ୍ବୀକାର କରିଛନ୍ତି ।