ପ୍ରଧାନମନ୍ତ୍ରୀଙ୍କ ଇସ୍ତଫା ଦାବି କଲେ ନଓ୍ବାବ ମଲ୍ଲିକ୍‌

40 ହଜାର କୋଟି କେନ୍ଦ୍ରକୁ ସ୍ଥାନାନ୍ତର ହୋଇଥିବା ଦାବିକୁ ନେଇ ପ୍ରଧାନମନ୍ତ୍ରୀଙ୍କ ଇସ୍ତଫା ଦାବି କରିଛି ଏନ୍‌ସିପି । ଏନ୍‌ସିପି ମୁଖପାତ୍ର ନଓ୍ବାବ ମଲ୍ଲିକ ଏହି ମାମଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଇସ୍ତଫା ଦାବି କରିଛନ୍ତି । କେନ୍ଦ୍ରକୁ 40 ହଜାର କୋଟି ସ୍ଥାନାନ୍ତର କରିବା ପାଇଁ ଫଡନବିସ୍‌ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ ବୋଲି କହି କେନ୍ଦ୍ରମନ୍ତ୍ରୀ ଅନନ୍ତ ହେଗଡେ ଏହି ବିବାଦର ସୂତ୍ରପାତ କରିଥିଲେ । ହେଗ୍‌ଡେ କହିଥିଲେ, ମୁଖ୍ୟମନ୍ତ୍ରୀଙ୍କ ପାଣ୍ଠିରେ କେନ୍ଦ୍ରର 40 ହଜାର କୋଟି ଟଙ୍କା ଥିଲା । ଶପଥ ଗ୍ରହଣର 15 ଘଣ୍ଟା ମଧ୍ୟରେ ଫଡନବିସ୍ ଉକ୍ତ ଅର୍ଥ କେନ୍ଦ୍ର ସରକାରଙ୍କୁ ପ୍ରଦାନ କରିଥିଲେ ।