ବିଗ୍‌ ବିଙ୍କ ସହିତ ଫଟୋ ସେୟାର କଲେ ମଞ୍ଜୁ ଓ୍ବାରିୟର

ବଲିଉଡ୍‌ ଅଭିନେତା ବିଗ୍‌ ବି ଅମିତାଭ ବଚ୍ଚନଙ୍କ ସହିତ ଫଟୋ ସେୟାର କରିଛନ୍ତି ଦକ୍ଷିଣୀ ଅଭିନେତ୍ରୀ ମଞ୍ଜୁ ଓ୍ବାରିୟର । ନିଜର ଅପ୍‌କମିଙ୍ଗ ମାଲାୟଲମ୍‌ ଫିଲ୍ମ ‘ପ୍ରତି ପୁଭାଙ୍କୋଝି’ର ପ୍ରମୋଶନ ପାଇଁ ମୁମ୍ବାଇରେ ରହିଥିବା ମଞ୍ଜୁ ବିଗ୍‌ ବି ଏବଂ ଜୟା ବଚ୍ଚନଙ୍କୁ ଭେଟିଥିଲେ । ମେଗାଷ୍ଟାର ଅମିତାଭଙ୍କୁ ଭେଟିବା ପରେ ଏକ ଫଟୋ ଟ୍ବିଟ୍ କରିଛନ୍ତି ମଞ୍ଜୁ । ଏହି ଫଟୋରେ ଉଭୟ ଅମିତାଭ୍, ଜୟା ଏବଂ ମଞ୍ଜୁ ଭାରତୀୟ ପରିପାଟୀରେ ନଜର ଆସିଛନ୍ତି । ‘ପ୍ରତି ପୁଭାଙ୍କୋଝି’ ଏକ ମହିଳା କୈନ୍ଦ୍ରିକ ଫିଲ୍ମ ହୋଇଥିବା ବେଳେ ମଞ୍ଜୁ ମୁଖ୍ୟ ଚରିତ୍ର ମାଧୁରୀ ଭୂମିକାରେ ନଜର ଆସିଛନ୍ତି ।

ହାଇଦ୍ରାବାଦ ଗଣଦୁଷ୍କର୍ମ ମାମଲା : ଅଭିଯୁକ୍ତଙ୍କୁ ଜନତାଙ୍କ ହାତକୁ ଦେବାକୁ ଜୟାଙ୍କ ଦାବି

ହାଇଦ୍ରାବାଦର ମହିଳା ପଶୁ ଡାକ୍ତରାଣୀଙ୍କ ଗଣଦୁଷ୍କର୍ମ ଏବଂ ହତ୍ୟା ମାମଲାରେ ଆଜି ସରଗରମ ରହିଛି ସଂସଦ ଭବନ । ଏହି ମାମଲାରେ ରାଜ୍ୟସଭାରେ 2ଜଣ ସାଂସଦ କଡା ଟିପ୍ପଣୀ ରଖିଛନ୍ତି। ଏପରିକି ଏସପି ସାଂସଦ ଜୟା ବଚ୍ଚନ ଦୋଷୀଙ୍କୁ ଲୋକମାନଙ୍କ ହାତରେ ଟେକି ଦେବାକୁ କହିଛନ୍ତି । ରାଜ୍ୟସଭାରେ ଚର୍ଚ୍ଚା ସମୟରେ ଜୟା ବଚ୍ଚନ କହିଛନ୍ତି ଯେ, ବଳାତ୍କାରୀଙ୍କୁ ବାହାରକୁ ଆଣି ଲୋକମାନଙ୍କ ହାତରେ ଦେଇ ଦେବା ଉଚିତ୍। ସେହିପରି ଏଆଇଡିଏମକେର ସାଂସଦ ବିଜିଲା ସତ୍ୟାନନ୍ଦ ଦୋଷୀଙ୍କୁ ଏକ ମାସ ମଧ୍ୟରେ ଫାଶୀ ଦେବାକୁ ଦାବି କରିଛନ୍ତି ।