ରିଲିଜ୍‌ର ଦୁଇ ଦିନ ମଧ୍ୟରେ ବକ୍ସ ଅଫିସ୍‌ ବ୍ୟାଟେଲ୍‌ରେ ଆଗୁଆ ତାନାଜୀ

2020 ମସିହାରେ ବଲିଉଡ୍‌ ବକ୍ସ ଅଫିସ୍‌ ପ୍ରଦର୍ଶନ ବଢିଆ ରହିଛି । ବର୍ଷର ପ୍ରଥମ ରିଲିଜ୍‌ ତାନାଜୀ ଏବଂ ଛପାକ୍‌ ରିଲିଜ୍‌ ହୋଇଛି । ଚଳିତ ଶୁକ୍ରବାର ଅଜୟ ଦେବଗନ ଅଭିନୀତ ତାନାଜୀ ଏବଂ ଦୀପିକା ପାଦୁକୋନ୍‌ ଅଭିନୀତ ଛପାକ୍‌କୁ ଦର୍ଶକଙ୍କୁ ଭଲ ରେସ୍‌ପନ୍ସ ମିଳିଛି । ରିଲିଜ୍‌ର ପ୍ରଥମ ଦିନରେ ତାନାଜୀ 15.10 କୋଟି ଆୟ କରିଥିବା ବେଳେ ଛପାକ୍‌ 4.77 କୋଟି ଆୟ କରିଛି । ଦ୍ବିତୀୟ ଦିବସରେ ତାନାଜୀ 20.57 କୋଟି ଆୟ କରିଥିବା ବେଳେ ଛପାକ୍‌ 6.90 କୋଟି ଆୟ କରିଛି । ଓମ୍‌ ରାଉତଙ୍କ ନିର୍ଦ୍ଦେଶିତ ତାନାଜୀ ଛପାକ୍‌ ତୁଳନାରେ 500 ଅଧିକ ସ୍କ୍ରିନ୍‌ରେ ରିଲିଜ୍‌ ହୋଇଛି ।