କୁମ୍ଭୀର ଗଣନା ପାଇଁ ଏକ ସପ୍ତାହ ବନ୍ଦ ରହିବ ଭିତରକନିକା

ବିଶ୍ୱପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନ ଏକ ସପ୍ତାହ ନିମନ୍ତେ ବନ୍ଦ ରହିବ । ଆସନ୍ତା ଡିସେମ୍ବର 26ରୁ ଜାନୁଆରୀ 4ତାରିଖ ପର୍ଯ୍ୟନ୍ତ କୁମ୍ଭୀର ଗଣନା ନିମନ୍ତେ ଏହାକୁ ବନ୍ଦ ରଖାଯିବ । ଭିତରକନିକାର ନଦୀନାଳ ବିଶେଷକରି ରାଜନଗର ବନଖଣ୍ଡ ଅନ୍ତର୍ଗତ ରାଜନଗର ରେଞ୍ଜ, କନିକା ରେଞ୍ଜ, ଗହୀରମଥା ରେଞ୍ଜ ଓ କୁଜଙ୍ଗ ରେଞ୍ଜରେ ଏହି ଗଣନା କରାଯିବ। ତେଣୁ ପର୍ଯ୍ୟଟକଙ୍କ ପାଇଁ ଏହି ସମୟ ଜାତୀୟ ଉଦ୍ୟାନ ବନ୍ଦରହିବ ବୋଲି ବନଖଣ୍ଡ ଅଧିକାରୀ ବିକାଶ ରଞ୍ଜନ ଦାଶ ସୂଚନା ଦେଇଛନ୍ତି ।