ନକଲି ପାସପୋର୍ଟ ଓ ଆଧାର କାର୍ଡ ସହିତ ଆଫଗାନ ନାଗରିକ ଗିରଫ

ନକଲି ପାସପୋର୍ଟ ଏବଂ ଆଧାର କାର୍ଡ ସହିତ ଜଣେ ଆଫଗାନ ନାଗରିକଙ୍କୁ ଗିରଫ କରାଯାଇଛି । ବାରଣାସୀର ପାସପୋର୍ଟ ଅଫିସରୁ ଉକ୍ତ ଯୁବକଙ୍କୁ ଗିରଫ କରାଯାଇଛି । ଗିରଫ ଆଫଗାନ ନାଗରିକଙ୍କ ନାମ ଇବାଦତଉଲ୍ଲା ଆଲିଆସ୍‌ ଆବିଦ୍‌ ବୋଲି ଜଣାପଡିଛି । ବାରଣାସୀର ମହମୁରଗଞ୍ଜରେ ପାସପୋର୍ଟ ପାଇଁ ଉକ୍ତ ଯୁବକ ଜଣକ ନକଲି ଆାଧାର କାର୍ଡ ଦେଖାଇଥିଲେ । ଆଜମଗଡର ଫୁଲପୁର ପୋଲିସ୍‌ ଥାନା ପକ୍ଷରୁ ଉକ୍ତ ଯୁବକଙ୍କୁ ଗିରଫ କରାଯାଇଛି ।

ଆଫଗାନିସ୍ତାନରେ ବିମାନ ଆକ୍ରମଣ : ଶିଶୁ ସମେତ 8 ମୃତ

କାବୁଲ :1/12 : ଆଫଗାନିସ୍ତିାନରେ ଏକ ବିମାନ ଆକ୍ରମଣରେ ଜଣେ ନବଜାତ ଶିଶୁ ସମେତ 8 ଜଣଙ୍କ ପ୍ରାଣହାନି ଘଟିଛି । ଆଫଗାନିସ୍ତାନର ଖୋସ୍ତ ଅଞ୍ଚଳରେ ଏହି ଆକ୍ରମଣ ଘଟିଛି । ଆମେରିକୀୟ ସେନା ପକ୍ଷରୁ କରାଯାଇଥିବା ଏହି ଆକ୍ରମଣରେ ଶୁକ୍ରବାର ଜନ୍ମ ନେଇଥିବା ଜଣେ ନବଜାତ ଶିଶୁ ପ୍ରାଣ ହରାଇଛି । ମୃତକଙ୍କ ମଧ୍ୟରେ ଗୋଟିଏ ପରିବାରର ଦୁଇ ଜଣ ମହିଳା, ଦୁଇ ଜଣ ଶିଶୁ ଏବଂ ଜଣେ ପୁରୁଷ ପ୍ରାଣ ହରାଇଥିଲେ । ପରିବାରର ପାଞ୍ଚ ଜଣଙ୍କ ବ୍ୟତିତ ଅନ୍ୟ ତିନି ଜଣ ସାଧାରଣ ନାଗରିକ ମଧ୍ୟ ପ୍ରାଣ ହରାଇଛନ୍ତି । (ଏଜେନ୍ସୀ)