ଅସୁରକ୍ଷିତ ପ୍ରସବ : ଆଖି ବୁଜିଲେ 3 ନବଜାତ

ଭଦ୍ରକ ରେଳ ଷ୍ଟେସନରେ ଅସୁରକ୍ଷିତ ପ୍ରସବ କାରଣରୁ 3 ନବଜାତ ଶିଶୁଙ୍କ ପ୍ରାଣହାନି ଘଟିଛି । ବେଙ୍ଗାଲୁରୁ-ଗୌହାଟୀ ଏକ୍ସପ୍ରେସ୍‌ରେ ଯାଉଥିବା ମହିଳା ଜଣଙ୍କ ଭଦ୍ରକ ରେଳ ଷ୍ଟେସନ୍‌ରେ ପ୍ରସବ କରିଥିଲେ । ଆସାମର ଏହି ମହିଳାଙ୍କୁ ରେଳବାଇ ପୁଲିସ୍‌ ପକ୍ଷରୁ ଭଦ୍ରକ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଅସୁରକ୍ଷିତ ପ୍ରସବ କାରଣରୁ ତିନି ଶିଶୁଙ୍କ ପ୍ରାଣ ହାନି ଘଟିଥିବା ବେଳେ ମହିଳା ଜଣଙ୍କ ସୁସ୍ଥ ରହିଥିବା ଜଣାପଡିଛି ।

ଆସିକା ଉପ କାରାଗାରରେ କଏଦୀ ମୃତ

ଆସିକା ଉପ କାରାଗାରରେ ଜଣେ ବିଚାରାଧୀନ କଏଦୀଙ୍କ ପ୍ରାଣହାନି ଘଟିଛି । ମୃତ କଏଦୀଙ୍କ ନାମ ଡାକ୍ତର ସାହୁ ଓରଫ ଡାକ । ମୃତ୍ୟୁର କାରଣ ସ୍ପଷ୍ଟ ହୋଇନଥିବା ବେଳେ କଏଦୀଙ୍କ ମଧ୍ୟରେ ଗଣ୍ଡଗୋଳରୁ ଏହି ଘଟଣା ଘଟିଥିବା ଅନୁମାନ କରାଯାଉଛି । ଅସୁସ୍ଥ କଏଦୀଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଡାକ୍ତରଙ୍କ ପକ୍ଷରୁ ତାଙ୍କୁ ମୃତ ଘୋଷିତ କରାଯାଇଥିଲା । ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି ।

ଆଖଣ୍ଡଳମଣି ଭଣ୍ଡାର ଘରେ ନିଆଁ

ଭଦ୍ରକ ଜିଲ୍ଲା ଆରଡ଼ି ଆଖଣ୍ଡଳମଣି ମନ୍ଦିରର ଭଣ୍ଡାର ଘରେ ନିଆଁ ଲାଗିବାରୁ ପୂଜା ସାମଗ୍ରୀ, ରୁପା ଅଳଙ୍କାର ସମେତ ଲକ୍ଷାଧିକ ଟଙ୍କାର ଜିନିଷ ପୋଡ଼ି ପାଉଁଶ ହୋଇଯାଇଛି । ଗତକାଲି ବିଳମ୍ୱିତ ରାତିରେ ଭଣ୍ଡାର ଘରେ ହୁହୁ ହୋଇ ନିଆଁ ଜଳୁଥିବାର ମନ୍ଦିରର ରାତି ଜଗୁଆଳି ଦେଖିବାକୁ ପାଇଥିଲେ । ଏନେଇ ସେବାୟତ ଓ ଧାମନଗର ଅଗ୍ନିଶମ ବିଭାଗକୁ ଖବର ଦେଇଥିଲେ । ସେବାୟତ ଓ ସ୍ଥାନୀୟ ଲୋକେ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । ପରେ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅଗ୍ନିକାଣ୍ଡର କାରଣ ଜଣାପଡ଼ି ନଥିବା ବେଳେ ତଦନ୍ତ ଜାରି ରହିଛି ।

ତୀର୍ଥଯାତ୍ରୀ ଗାଡି ଦୁର୍ଘଟଣାଗ୍ରସ୍ତ : 9 ଆହତ

ବାଲେଶ୍ୱର ଜିଲ୍ଲା ସୋର ଥାନା ଅନ୍ତର୍ଗତ ତଳନଗର ନିକଟରେ ଏକ ତୀର୍ଥଯାତ୍ରୀ ଗାଡ଼ି ରାସ୍ତା କଡ଼ରେ ଠିଆ ହୋଇଥିବା ଟ୍ରକ୍‌ ପଛପଟକୁ ଧକ୍କା ଦେବାରୁ 9 ଜଣ ତୀର୍ଥଯାତ୍ରୀ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ 3 ଜଣଙ୍କ ଅବସ୍ଥା ଗୁରୁତର ରହିଛି । ସେମାନଙ୍କୁ ବାଲେଶ୍ୱର ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଭୋର ପ୍ରାୟ 3ଟା ବେଳେ ଏହି ଦୁର୍ଘଟଣା ଘଟିଛି । ଗୁଜୁରାଟ ଆରବାଲି ଜିଲ୍ଲାରୁ 9 ଜଣ ଯାତ୍ରୀ ଏକ ୱିଙ୍ଗରରେ ପୁରୀ ଯାଉଥିଲେ । ଏହି ସମୟରେ ତାଳନଗର ନିକଟରେ ଗୋଟିଏ ଟ୍ରକ୍‌ ପଛରେ ପିଟି ହୋଇଥିଲା ।

1 killed, 7 hurt after 6 vehicles collide in Goa

One person died while seven others were injured after six vehicles collided with one another at Old Goa bypass on Thursday. According to police, a total of eight persons were injured in the accident. They were admitted to Goa Medical College (GMC) and Hospital. While one passed away during treatment and seven were undergoing treatment. Condition of two were stated to be critical.

Landmine weighing 20 kgs recovered by Chatra Police

Police has recovered a powerful landmine weighing 20 kgs from the Baniadiah main road under Rajpur Police Station area of this district. Chatra SP Akhilesh P Beriyer said that to create disturbance in the election process and inflict damage on the security forces, the maoists had planted the bomb however its timely recovery is a big bonus for the police.  Later, a bomb disposal squad defused the bomb.

J&K LG hints at conduct of Assembly polls soon

Asking the police personnel to be prepared for a big responsibility, Jammu and Kashmir Lieutenant Governor Girish Chandra Murmu on Thursday hinted at early conduct of Assembly polls in the Union Territory.
“J&K is a UT with Legislature and soon, elections will be held and for that matter, exercise has already begun,” Mr Murmu said.

JD(S) releases first list for K’taka bypolls

The Janata Dal (Secular) on Thursday released its first list of 10 candidates for the upcoming by-elections on 15 assembly constituencies scheduled to be held on December 5. According to the party’s statement, the party has fielded Devaraju from Krishnarajpet, Javarayi Gowda from Yeshwanthpur, Mallikarjun from Ranebennur, Anjappa Jatappa from Hirekerur, NM Nabi from Vijayanagar, KP Bache Gowda from Chikkaballapura, Krishna Murthy from Krishnarajapuram, C Somashekar from Hunsur, Tanveer Ahmed from Shivajinagar and Chaitra Gowda from Yellapur. 

ଭାରତୀୟ ପେସର୍‌ଙ୍କୁ ସଫଳତା : ବାଂଲାଦେଶ 150ରେ ଅଲ୍‌ଆଉଟ୍‌

ଭାରତ ଏବଂ ବାଂଲାଦେଶ ମଧ୍ୟରେ ଅନୁଷ୍ଠିତ ପ୍ରଥମ ଟେଷ୍ଟ ମ୍ୟାଚ୍‌ରେ ବାଂଲାଦେଶ 150 ରନ୍‌ରେ ଅଲଆଉଟ ହୋଇଛି । ଭାରତୀୟ ପେସ୍‌ ବୋଲରଙ୍କ ସଫଳତା ଫଳରେ ଭାରତ ଡ୍ରାଇଭର ସିଟ୍‌ରେ ରହିଛି । ଭାରତୀୟ ପେସ୍‌ ବୋଲର ନିଜ ମଧ୍ୟରେ 7ଟି ଓ୍ବିକେଟ୍‌ ବାଣ୍ଟି ନେଇଥିଲେ । ଭାରତ ପକ୍ଷରୁ ମହମ୍ମଦ ସାମି ସର୍ବାଧିକ 3ଟି ଓ୍ବିକେଟ ଅକ୍ତିଆର କରିଥିବା ବେଳେ ଉମେଶ ଯାଦବ, ଇଶାନ୍ତ ଶର୍ମା ଏବଂ ଅଶ୍ବିନ୍‌ ପ୍ରତ୍ୟୋକ ଦୁଇଟି ଲେଖାଏଁ ଓ୍ବିକେଟ୍‌ ଅକ୍ତିଆର କରିଥିଲେ । ବାଂଲାଦେଶ ପକ୍ଷରୁ ମୁସଫିକର ରହିମ୍‌ ସର୍ବାଧିକ 43 ରନ୍‌ ସଂଗ୍ରହ କରିଥିବା ବେଳେ ଅଧିନାୟକ ମୋମିନୁଲ ହକ୍‌(37) ରନ୍‌ ସଂଗ୍ରହ କରିଥିଲେ ।

ରିଲିଜ୍‌ ହେଲା ମର୍ଦ୍ଦାନୀ-2ର ଟ୍ରେଲର : ଶିବାନୀ ଶିବାଜୀ ରୟ ଭୂମିକାକୁ ରାଣୀଙ୍କ ପ୍ରତ୍ୟାବର୍ତ୍ତନ

ପୋଲିସ୍‌ ଅଫିସର୍‌ ଶିବାନୀ ଶିବାଜୀ ରୟ ଭୂମିକାରେ ସିଲ୍‌ଭର ସ୍କ୍ରିନ୍‌କୁ ପ୍ରତ୍ୟାବର୍ତ୍ତନ କରିଛନ୍ତି ରାଣୀ ମୁଖାର୍ଜୀ । ୟଶରାଜ ଫିଲ୍ମସର ଏହି ଫିଲ୍ମରେ କୋଟାର ଜଣେ ସାଇକୋ ସିରିଏଲ କିଲରକୁ ନେଇ ଗତିଶୀଳ ହୋଇଛି । ଫିଲ୍ମର ପ୍ରଥମ ଭାଗଟି ମୁମ୍ବାଇ ଏବଂ ଦିଲ୍ଲୀରେ ସୁଟିଂ ହୋଇଥିବା ବେଳେ ମାନବ ଚାଲାଣ ଫିଲ୍ମର ପୃଷ୍ଠଭୂମି ରହିଥିଲା । ଏହି ଫିଲ୍ମରେ ଦୁଷ୍କର୍ମ ଏବଂ ହତ୍ୟା ପୃଷ୍ଠଭୂମି ଉପରେ ଆଧାରିତ । ଫିଲ୍ମଟି ଆକ୍ସନ୍‌ ଥ୍ରୀଲର ଶ୍ରେଣୀର ହୋଇଥିବା ବେଳେ ଗୋପୀ ପୁଥରାନ୍‌ ଫିଲ୍ମର କାହାଣୀ ଲେଖିବା ସହିତ ଏହାର ନିର୍ଦ୍ଦେଶନା ଦେଇଛନ୍ତି ।

ଭାରତ ବାଂଲାଦେଶ ପ୍ରଥମ ଟେଷ୍ଟ : ଳଞ୍ଚ ସୁଦ୍ଧା ବାଂଲାଦେଶ 63/3

ଭାରତ-ବାଂଲାଦେଶ ମଧ୍ୟରେ ଅନୁଷ୍ଠିତ ଟେଷ୍ଟ ସିରିଜ୍‌ର ପ୍ରଥମ ମ୍ୟାଚ୍‌ ଆଜି ଇନ୍ଦୋରର ହୋଲ୍‌କାର ଷ୍ଟାଡିୟମ୍‌ରେ ଆୟୋଜିତ ହୋଇଛି । ଟସ୍‌ ଜିତି ପ୍ରଥମେ ବ୍ୟାଟିଂର ନିଷ୍ପତ୍ତି ନେଇଥିବା ବାଂଲାଦେଶ ଲଞ୍ଚ ବିରତି ସୁଦ୍ଧା 3 ଓ୍ବିକେଟ ହରାଇ 63 ରନ୍‌ ସଂଗ୍ରହ କରିଛି । ଭାରତ ପକ୍ଷରୁ ଏହି ତିନି ପେସର୍‌ ଇଶାନ୍ତ, ଉମେଶ ଏବଂ ସାମି ପ୍ରତ୍ୟେକ ଗୋଟିଏ ଲେଖାଏଁ ଓ୍ବିକେଟ୍‌ ଅକ୍ତିଆର କରିଛନ୍ତି । ଲଞ୍‌ଚ ବିରତି ବେଳକୁ ବାଂଲା ଅଧିନାୟକ ମୋମିନୁଲ୍‌ ହକ୍‌(22) ଏବଂ ମୁଶଫିକର୍‌ ରହିମ୍‌(14) ବ୍ୟାଟିଂ କରୁଛନ୍ତି ।

ସବ୍ରିମାଲା ମାମଲା : ବୃହତର ଖଣ୍ଡପୀଠକୁ ମାମଲା ହସ୍ତାନ୍ତର

ବହୁ ଚର୍ଚ୍ଚିତ ସବ୍ରିମାଲା ମାମଲାକୁ ସୁପ୍ରିମ୍‌କୋର୍ଟ ବୃହତ୍ତର ଖଣ୍ଡପୀଠକୁ ହସ୍ତାନ୍ତର କରିଛନ୍ତି । 3-2 ଭୋଟ୍‌ରେ ଏଭଳି ନିଷ୍ପତ୍ତି ନେଇଛନ୍ତି ସୁପ୍ରିମ୍‌କୋର୍ଟ । ପୂର୍ବରୁ ସବ୍ରିମାଲା ମନ୍ଦିରରେ ସବୁ ବର୍ଗର ମହିଳାଙ୍କ ପ୍ରବେଶ ସପକ୍ଷରେ ରାୟ ଦେଇଥିଲେ କୋର୍ଟ । ଏହାପରେ ଏହି ରାୟ ବିରୋଧରେ କିଛି ଯାଚିକା ଦାଖଲ ହୋଇଥିଲା । ଏହା ସହିତ କୋର୍ଟ ପୂର୍ବରୁ ନେଇଥିବା ନିଷ୍ପତ୍ତିକୁ ବଦଳାଇବା ସହିତ ୭ ଜଣିଆ ଖଣ୍ଡପୀଠ ମାମଲାର ଶୁଣାଣି କରିବେ ବୋଲି ରାୟ ଶୁଣାଇଛନ୍ତି ।

ଭାରତୀୟ ସେନାର ମୁକାବିଲା ପାଇଁ ମୁଜାହିଦ୍ଦିନି ଆତଙ୍କୀଙ୍କୁ ପ୍ରଶିକ୍ଷଣ ଦେଉଥିଲା ପାକିସ୍ତାନ : ମୁଶାରଫ

ପୂର୍ବତନ ପାକିସ୍ତାନ ରାଷ୍ଟ୍ରପତି ପରଭେଜ୍‌ ମୁଶାରଫ୍‌ ଏକ ବିବାଦୀୟ ବୟାନ ଦେଇଛନ୍ତି । ଭାରତୀୟ ସେନାର ମୁକାବିଲା କରିବା ପାଇଁ ପାକିସ୍ତାନ ମୁଜାହିଦ୍ଦିନି ଆତଙ୍କୀଙ୍କୁ ପ୍ରଶିକ୍ଷଣ ପ୍ରଦାନ କରୁଥିଲା ବୋଲି ମୁଶାରଫ କହିଛନ୍ତି । ବୁଧବାର ମୁଶାରଫ ଟ୍ବିଟ୍ଟରରେ ଏହା ଘୋଷଣା କରିଛନ୍ତି । କାଶ୍ମୀର ନାଗରିକଙ୍କୁ ପାକିସ୍ତାନରେ ହିରୋର ମାନ୍ୟତା ପ୍ରଦାନ କରାଯିବା ସହିତ ମୁଜାହିଦ୍ଦିନି ଆତଙ୍କୀଙ୍କ ସହିତ ପ୍ରଶିକ୍ଷଣ ଦିଆଯାଉଥିଲା ବୋଲି ମୁଶାରଫ ଟ୍ବିଟ୍‌ କରିଛନ୍ତି । ଏହା ସହିତ ଲସ୍କର ଏ ତୋଏବା ଆତଙ୍କୀଙ୍କୁ ମଧ୍ୟ ପାକିସ୍ତାନରେ ହିରୋର ମାନ୍ୟତା ଦିଆ ଯାଇଥିଲା ବୋଲି ନିଜ ସାକ୍ଷାତକାରରେ କହିଛନ୍ତି ମୁଶାରଫ ।

‘ବୁଲ୍‌ବୁଲ୍‌’ କ୍ଷୟକ୍ଷତିର ଅନୁଧ୍ୟାନ ପାଇଁ ଆଜି ଓଡିଶା ଆସିବେ କେନ୍ଦ୍ରୀୟ ଟିମ୍‌

ରାଜ୍ୟରେ ‘ବୁଲ୍‌ବୁଲ୍‌’ କ୍ଷୟକ୍ଷତିର ଅନୁଧ୍ୟାନ ଲାଗି ଆଜି ଓଡ଼ିଶା ଗସ୍ତରେ ଆସୁଛି ମନ୍ତ୍ରୀସ୍ତରୀୟ କେନ୍ଦ୍ରୀୟ ଟିମ୍ । କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରାଳୟ ଯୁଗ୍ମ ସଚିବ ସହେଲି ଘୋଷ ରାୟଙ୍କ ନେତୃତ୍ୱରେ ଏକ 8 ଜଣିଆ ଟିମ୍ ଗଠିତ ହୋଇଛି । ଏହି ଟିମ୍ ଆଜି ଓ ଆସନ୍ତା କାଲି ଦୁଇଦିନ ଧରି କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କରିବ । ଶୁକ୍ରବାର ଅପରାହ୍ନରେ ରାଜ୍ୟ ସରକାରଙ୍କ ପ୍ରମୁଖ ଅଧିକାରୀଙ୍କ ସହ ଆଲୋଚନା କରି ଦିଲ୍ଲୀ ଫେରିଯିବ ଏହି ଟିମ୍‌ । କେନ୍ଦ୍ରୀୟ ଦଳ ଆଜି ଭଦ୍ରକ ଓ ଶୁକ୍ରବାର କେନ୍ଦ୍ରାପଡ଼ା ଗସ୍ତରେ ଯିବାର କାର୍ଯ୍ୟକ୍ରମ ରହିଛି ।

ଚିଙ୍ଗୁଡି ଫ୍ୟାକ୍ଟ୍ରିରୁ ଗ୍ୟାସ୍‌ ଲିକ୍‌ ଘଟଣାରେ 7 ଅଟକ : ଶ୍ରମ ମନ୍ତ୍ରୀଙ୍କ ତଦନ୍ତ ନିର୍ଦ୍ଦେଶ

ବାଲେଶ୍ୱର ଜିଲ୍ଲା ଖନ୍ତପଡ଼ା ଥାନା ଅନ୍ତର୍ଗତ ପଣପଣାରେ ଥିବା ଫାଲ୍‌କନ୍‌ ଚିଙ୍ଗୁଡ଼ି ଫ୍ୟାକ୍ଟ୍ରିରେ କ୍ଲୋରିନ୍‌ ଗ୍ୟାସ୍ ଲିକ୍ ଯୋଗୁ ଗତକାଲି 88 ମହିଳା କର୍ମଚାରୀ ଅଣନିଃଶ୍ୱାସୀ ହୋଇ ଅସୁସ୍ଥ ହୋଇପଡ଼ିଥିଲେ । ଏହି ଘଟଣାରେ କମ୍ପାନୀ ବିରୋଧରେ ମାମଲା ରୁଜୁ କରାଯିବା ସହ 7 ଅଧିକାରୀଙ୍କୁ ଅଟକ ରଖି ପଚରାଉଚରା କରୁଛି ପୋଲିସ୍‌ । ଶ୍ରମ ମନ୍ତ୍ରୀ ସୁଶାନ୍ତ ସିଂହ ବାଲେଶ୍ୱର ମେଡିକାଲ୍‌ରେ ପହଞ୍ଚି ଅସୁସ୍ଥଙ୍କ ସ୍ୱାସ୍ଥାବସ୍ଥା ସମ୍ପର୍କରେ ପଚାରି ବୁଝିଛନ୍ତି । ଘଟଣାର ତଦନ୍ତ ନିର୍ଦ୍ଦେଶ ଦିଆଯିବା ସହ ଦୋଷୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମନ୍ତ୍ରୀ କହିଛନ୍ତି ।

Marathi film ‘Girlz’ to be released on Nov 29

After two successful Marathi films ‘Boys’ and ‘Boys 2’ by the Vishal Sakaram Devrukhkar, ‘Girlz’ marathi film of three girls will hit the screen across the state on November 29.
Interacting with media, Vishal Dwevrukhkar on Wednesday said that the film was on the different types personalities ‘girlz’ who were met together as friends and tried to focus on relationship of human life and relations with parents.

AgustaWestland case: CBI to soon file charge sheet

Justice Anu Malhotra of the Delhi High Court on Wednesday directed Central Bureau of Investigation to file a reply on a bail application on behalf of Christian Michel, an alleged middleman in the high-profile Rs 3,600 crore AgustaWestland deal case.  Michel was extradited from Dubai last year and is now lodged in Tihar Jail in connection with alleged irregularities in the AgustaWestland case.

 

NU row: EC announces rollback in hostel fee

After two days of students protest, Jawaharlal Nehru University (JNU) Executive Committee on Wednesday announced major roll-back in the hostel fee and other stipulations. Higher Education Secretary R Subrahmanyam taking to micro-blogging site Twitter said, “#JNU Executive Committee on Wednesday announced major roll-back in the hostel fee and other stipulations. Also proposes a scheme for economic assistance to the EWS students. Time to get back to classes.@HRDMinistry.”

 

Rupee dropped 63 paise against USD; 9-week-low

The Rupee on Wednesday heavily down by 63 paise to 72.09, nine-week-low
on brisk demand for US Dollars by bankers and importers, dealers at the Forex Market said. In opening trade, the domestic unit slipped by 25 paise to 71.71.
Till the end of the session, it dropped 63 paise to 72.09 as compared to its last close.

Four drug peddlers nabbed in Fatehabad

 Haryana police has arrested four persons in separate cases on the charges of drug-peddling and seized 1.05 kg of opium and 20 gram heroin from their possession in Fatehabad district.
A team of Special Staff while conducting checking near village Bhirdana area recovered 1.05 kg opium and 20 gram of heroin. olice has arrested four persons from raid.

KEC International wins orders of Rs 2,255 cr

Infrastructure Major, KEC International Ltd said that it has secured new orders of Rs 2,255 crore from its various businesses. It bagged the new orders across Transmission & Distribution business of Rs 885 crore in India, a release said.
Mr Vimal Kejriwal, MD & CEO, KEC International Ltd. commented, “We are delighted with the prestigious order win from DMRC.

 

ସୁପ୍ରିମକୋର୍ଟଙ୍କ ଐତିହାସିକ ନିଷ୍ପତ୍ତି : ଆରଟିଆଇ ପରିସରଭୁକ୍ତ ହେବେ ସର୍ବୋଚ୍ଚ କୋର୍ଟ

ବୁଧବାର ସୁପ୍ରିମକୋର୍ଟ ଏକ ଐତିହାସିକ ନିଷ୍ପତ୍ତି ନେଇଛନ୍ତି । ଆଇନ ବ୍ୟବସ୍ଥାରେ ସ୍ବଚ୍ଛତା ଆଣିବା ପାଇଁ ମୁଖ୍ୟ ବିଚାରପତି ରଞ୍ଜନ ଗୋଗୋଇ ଏହି ଐତିହାସିକ ନିଷ୍ପତ୍ତି ନେଇଛନ୍ତି । ଜଷ୍ଟିସ୍‌ ଗୋଗୋଇଙ୍କ ନେତୃତ୍ବରେ ଗଠିତ 5 ଜଣିଆ ଖଣ୍ଡପୀଠ ଏହି ଐତିହାସିକ ନିଷ୍ପତ୍ତି ନେବା ସହିତ 2010 ମସିହାରେ ଦିଲ୍ଲୀ ହାଇକୋର୍ଟଙ୍କ ନିଷ୍ପତ୍ତିକୁ ବଳବତ୍ତର ରଖିଛନ୍ତି । ଏହା ସହିତ ସୁପ୍ରିମକୋର୍ଟ ସାଧାରଣ ସମ୍ପାଦକ ଏବଂ ସିପିଆଇଓ ପକ୍ଷରୁ ଦାୟର କରାଯାଇଥିବା 3ଟି ଯାଚିକାକୁ ମଧ୍ୟ ମୁଖ୍ୟ ବିଚାରପତି ଖାରଜ କରି ଦେଇଛନ୍ତି । ଏହି ବ୍ୟବସ୍ଥା ଦ୍ବାରା ନ୍ୟାୟିକ ବ୍ୟବସ୍ଥା ସ୍ବଚ୍ଛ ହୋଇପାରିବ ବୋଲି ମୁଖ୍ୟ ବିଚାରପତି କହିଛନ୍ତି ।

ହଂକଂ ଓପନ୍‌ : ପ୍ରଥମ ରାଉଣ୍ଡରୁ ସାଇନା ବିଦା, ଶ୍ରୀକାନ୍ତଙ୍କୁ ଓ୍ବାକଓଭର

ଆଜିଠାରୁ ଆରମ୍ଭ ହୋଇଥିବା ହଂକଂ ଓପନ୍‌ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟରେ ଭାରତକୁ ମିଶ୍ରିତ ଫଳ ମିଳିଛି । ଭାରତୀୟ ଷ୍ଟାର ସଟ୍‌ଲର ସାଇନା ନେହ୍ବାଲ ପ୍ରଥମ ରାଉଣ୍ଡରୁ ପରାଜିତ ହୋଇ ଟୁର୍ଣ୍ଣାମେଣ୍ଟରୁ ବିଦାୟ ନେଇଥିବା ବେଳେ ଅନ୍ୟତମ ଭାରତୀୟ ଖେଳାଳି କେ ଶ୍ରୀକାନ୍ତଙ୍କୁ ପ୍ରଥମ ରାଉଣ୍ଡରେ ଓ୍ବାକଓଭର ମିଳିଛି । ବୁଧବାର ଅନୁଷ୍ଠିତ ପ୍ରଥମ ରାଉଣ୍ଡ ମୁକାବିଲାରେ ସାଇନା ଚୀନ୍‌ର ସାଇ ୟାନ୍‌ ୟାନ୍‌ଙ୍କ ନିକଟରୁ ପରାଜିତ ହୋଇଛନ୍ତି । ସାାଇନା 21-13 ଏବଂ 22-20 ସେଟ୍‌ରେ ପରାଜିତ ହୋଇଥିଲେ । ନିଜର ଶେଷ 6ଟି ଟୁର୍ଣ୍ଣାମେଣ୍ଟରୁ ପାଞ୍ଚଟିରେ ସାଇନା ପ୍ରଥମ ରାଉଣ୍ଡରୁ ପରାସ୍ତ ହୋଇଛନ୍ତି ।

2 ଦିନରୁ ଅଧିକ ଅନୁପସ୍ଥିତ ରହି ପାରିବେନି ବିଧାୟକ

ବିଧାନସଭାରେ ଶାସକ ଦଳ ସଦସ୍ୟଙ୍କ ଉପସ୍ଥାନ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁତ୍ଵାରୋପ କରିଛନ୍ତି । ଦଳୀୟ ସଦସ୍ୟଙ୍କୁ ଦୈନିକ ବିଧାନସଭାରେ ଉପସ୍ଥିତ ରହିବାକୁ ନିର୍ଦ୍ଦେଶ ଦିଆଯାଇଛି । ସେହିପରି ଯେଉଁ ବିଧାୟକ 2 ଦିନରୁ ଅଧିକ ଦିନ ଛୁଟିରେ ଯିବେ ତାଙ୍କୁ ଅନୁମତି ନେବାକୁ ପଡିବ ବୋଲି ବିଧାୟକ ଦଳ ବୈଠକରେ ମୁଖ୍ୟମନ୍ତ୍ରୀ ଏଭଳି ନିର୍ଦ୍ଦେଶ ଦେଇଛନ୍ତି । ଆଜି ବିଜେଡି ବିଧାୟକ ଦଳର ମୁଖ୍ୟମନ୍ତ୍ରୀ କହିଛନ୍ତି ଯେ, ଦଳୀୟ ସଦସ୍ୟଙ୍କୁ ଦୈନିକ ବିଧାନସଭାରେ ଉପସ୍ଥିତ ରହିବାକୁ ପଡିବ । ଏତଦ୍ ବ୍ୟତୀତ ସଦସ୍ୟଙ୍କ ଉପସ୍ଥାନ ନେଇ ମୁଖ୍ୟ ସଚେତକ ସୁପ୍ରିମୋଙ୍କୁ ଦୈନିକ ରିପୋର୍ଟ କରିବେ ।

କାବୁଲରେ କାର ବୋମା ବିସ୍ଫୋରଣ : 7 ମୃତ, 7 ଆହତ

ଆଫଗାନିସ୍ତାନର ରାଜଧାନୀ କାବୁଲରେ ଏକ କାର ବୋମା ବିସ୍ଫୋରଣ ଘଟିଛି । ଏହି ବିସ୍ଫୋରଣରେ 7 ଜଣ ବ୍ୟକ୍ତିଙ୍କ ପ୍ରାଣହାନି ଘଟିଥିବା ବେଳେ 7 ଜଣ ଆହତ ହୋଇଛନ୍ତି । ପୁଲିସ୍‌ ଡିଷ୍ଟ୍ରିକ୍ଟ 15 ନିକଟରେ ଏହି ବିସ୍ଫୋରଣ ଘଟିଥିଲା । ବିସ୍ଫୋରଣର କାରଣ ସ୍ପଷ୍ଟ ହୋଇନାହିଁ ଏବଂ କୌଣସି ସଙ୍ଗଠନ ବିସ୍ଫୋରଣ ପାଇଁ ନିଜକୁ ଦାୟୀ କରି ନାହାନ୍ତି । ଆହତ ଏବଂ ମୃତକଙ୍କ ସଂଖ୍ୟା ବୃଦ୍ଧି ପାଇପାରେ ବୋଲି ଆଫଗାନିସ୍ତାନ ଗୃହ ମନ୍ତ୍ରାଳୟ ମୁଖପାତ୍ର ନସ୍ରତ ରହିମି ପ୍ରକାଶ କରିଛନ୍ତି । ଆହତ ମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।

ଅଯୋଗ୍ୟ ଘୋଷିତ ବିଧାୟକ ଲଢିପାରିବେ ନିର୍ବାଚନ : ସୁପ୍ରିମକୋର୍ଟ

କର୍ଣ୍ଣାଟକର 17 ଅଯୋଗ୍ୟ ଘୋଷିତ ବିଧାୟକଙ୍କ ମାମଲାରେ ରାୟ ପ୍ରକାଶ କରିଛନ୍ତି ସୁପ୍ରିମକୋର୍ଟ । ବିଧାୟକ ମାନଙ୍କୁ ବାଚସ୍ପତି କେ ଆର ରମେଶ କୁମାର ନିଲମ୍ବନ କରିବା ସହିତ 6 ବର୍ଷ ପର୍ଯ୍ୟନ୍ତ ନିର୍ବାଚନ ଲଢିବା ଉପରେ ରୋକ ଲଗାଇଥିଲେ । ଆଜି ସୁପ୍ରିମକୋର୍ଟ ନିଜ ରାୟରେ ବାଚସ୍ପତିଙ୍କ ଏହି ନିଷ୍ପତ୍ତିକୁ ଖାରଜ କରିଦେଇଛନ୍ତି । ଏହା ଫଳରେ ଅଯୋଗ୍ୟ ଘୋଷିତ ବିଧାୟକ ମାନେ ପୁନର୍ବାର ନିର୍ବାଚନ ଲଢିବାର ସମ୍ଭାବନା ସ୍ପଷ୍ଟ ହୋଇଛି । ଉଲ୍ଲେଖଯୋଗ୍ୟ ଯେ, 14 କଂଗ୍ରେସ ବିଧାୟକ ଏବଂ 3 ଜଣ ଜେଡିଏସ୍‌ ବିଧାୟକଙ୍କୁ ବାଚସ୍ପତି କେ ଆର ରମେଶ କୁମାର ଅଯୋଗ୍ୟ ଘୋଷଣା କରିଥିଲେ ।

20 ଲକ୍ଷ ଟଙ୍କାର ଗଞ୍ଜେଇ ଜବତ

ଗଞ୍ଜେଇ ଚାଲାଣ ବେଳେ ଓଡିଶା ପୋଲିସ୍‌କୁ ବଡ ସଫଳତା ମିଳିଛି । ସୁନ୍ଦରଗଡରୁ ଅବକାରୀ ବିଭାଗ 20 ଲକ୍ଷ ଟଙ୍କାର ଗଞ୍ଜେଇ ଜବତ କରାଯାଇଛି । ବୁଧବାର ସକାଳୁ ସୁନ୍ଦରଗଡ ପୋଲିସ୍‌ ଏବଂ ଅବକାରୀ ବିଭାଗର ବିଳିତ ଚଢାଉରେ ଏହି ଗଞ୍ଜେଇ ଜବତ କରାଯାଇଛି । ଗଞ୍ଜେଇକୁ ଟ୍ରକ୍‌ରେ ବିହାର ଚାଲାଣ କରାଯାଉଥିବା ବେଳେ ରାଣୀବଗିଚା ନିକଟରେ ଟ୍ରକ୍‌କୁ ଜବତ କରାଯାଇଥିଲା ।

ଶୀତକାଳୀନ ଅଧିବେଶନ ଆରମ୍ଭ : ମୁଲତବୀ ପ୍ରସ୍ତାବ ଜରିଆରେ ସରକାରଙ୍କୁ ଘେରିଲେ ବିରୋଧୀ

ଆଜିଠୁ ଆରମ୍ଭ ହୋଇଛି ବିଧାନସଭାର ଶୀତକାଳୀନ ଅଧିବେଶନ । 30 କାର୍ଯ୍ୟଦିବସ ବିଶିଷ୍ଟ ଅଧିବେଶନର ପ୍ରଥମରୁ ବିରୋଧୀ ଦଳ ସରକାରଙ୍କୁ ଆକ୍ରମଣ କରିଛନ୍ତି । ବିଜେପି ପକ୍ଷରୁ ରାଜ୍ୟରେ ମହିଳାଙ୍କୁ ନିର୍ଯେତନା ବିରୋଧରେ ମୁଲତବୀ ପ୍ରସ୍ତାବ ଆଗତ କରିଥିବା ବେଳେ ଯାଜପୁର ପିଇଓ ସ୍ମିତାରାଣୀ ବିଶ୍ବାଳଙ୍କ ମୃତ୍ୟୁକୁ ନେଇ କଂଗ୍ରେସ ପକ୍ଷରୁ ମୁଲତବୀ ପ୍ରସ୍ତାବ ଆଗତ କରାଯାଇଥିଲା । ବାଚସ୍ପତି ଏହି ମୁଲତବୀ ପ୍ରସ୍ତାବକୁ ଗ୍ରହଣ କରିନଥିବା ଜଣାପଡିଛି ।

ବ୍ରହ୍ମଗିରିରେ ସଡକ ଦୁର୍ଘଟଣା : 3 ଆହତ

ପୁରୀ ଜିଲ୍ଲା ବ୍ରହ୍ମଗିରି ଛକରେ ଏକ ମର୍ମନ୍ତୁଦ ସଡକ ଦୁର୍ଘଟଣା ହୋଇଛି । ଏକ ବସ ଏବଂ ବାଇକ ମଧ୍ୟରେ ଦୁର୍ଘଟଣା ଘଟି 3 ଜଣ ଗୁରୁତର ଆହତ ହୋଇଛନ୍ତି । ଆଜି ସକାଳେ ପୁରୀ-ସାତପଡା ରାସ୍ତା ମେଡିକାଲ ଛକରେ ଏକ ବସ ବ୍ରହ୍ମଗିରି ଅଭିମୁଖେ ଯାଉଥିଲା । ସେହି ସମୟରେ ବିପରୀତ ଦିଗରୁ ଆସୁଥିବା ବାଇକକୁ ବସଟି ଧକ୍କା ଦେଇଥିଲା । ଫଳରେ ବାଇକରେ ଥିବା 3ଜଣ ଆରୋହୀ ରାସ୍ତା ଉପରେ ଛିଟିକି ପଡିଥିଲେ । ସେମାନଙ୍କ ମୁଣ୍ଡରେ ଶକ୍ତ ଆଘାତ ଲାଗିଛି । ଦୁର୍ଘଟଣା ପରେ ଗୁରୁତରଙ୍କୁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି ।

ଦୁଇ ପରିବାର ମଧ୍ୟରେ ସଙ୍ଘର୍ଷ : 5 ଆହତ

ବଲାଙ୍ଗିର ଜିଲ୍ଲା ପୁଇଁନ୍ତଲା ଥାନା ମହିମୁଣ୍ଡା ଗାଁର ଦୁଇ ପରିବାର ମଧ୍ୟରେ ସଂଘର୍ଷ ଘଟି 5 ଜଣ ଆହତ ହୋଇଛନ୍ତି । ଦୀର୍ଘ ଦିନରୁ ଲାଗି ରହିଥିବା ଶତ୍ରୁତା ଗତକାଲି ବିଳମ୍ବିତ ରାତିରେ ସଂଘର୍ଷରେ ପରିଣତ ହୋଇଥିଲା । ଏଥିରେ ଉଭୟ ପକ୍ଷର 5 ଜଣ ଆହତ ହୋଇଛନ୍ତି । ଗତକାଲି ବିଳମ୍ବିତ ରାତିରେ ସାମାନ୍ୟ ବଚସାରୁ ମୁକ୍ତେଶ୍ୱର ଗଡତିଆ ଏବଂ ସମାରୁ ପଧାନଙ୍କ ପରିବାର ସଦସ୍ୟଙ୍କ ମଧ୍ୟରେ ମାରପିଟ ହୋଇଥିଲା । ଆହତଙ୍କୁ ବଲାଙ୍ଗିର ଭୀମଭୋଇ ମେଡିକାଲରେ ଭର୍ତ୍ତି କରାଯାଇଛି । ପୁଇଁନ୍ତଲା ପୁଲିସ୍‌ ଘଟଣାର ତଦନ୍ତ ଆରମ୍ଭ କରିଛି ।

Six killed, 37 injured as bus plunges off cliff in Peru

At least six people were killed and 37 injured, after a passenger bus plunged off a cliff in Peru, local media reported on Tuesday. The accident took place late on Monday, as the passenger bus was heading from Puno to Juliaca, Sputnik reported. The investigation is ongoing, and the number of casualties may later rise. In early October, 23 people were killed in a bus crash in the southern Cusco region.

 

ଦେଶ ଅପେକ୍ଷା ଦଳକୁ ଅଧିକ ଭଲ ପାଆନ୍ତି କଂଗ୍ରେସ ନେତା : ପ୍ରୀତି ଶର୍ମା

ମହାରାଷ୍ଟ୍ରରେ ରାଜନୈତିକ ଅସ୍ଥିରତା ଲାଗି ରହିଥିଲେ ମଧ୍ୟ କଂଗ୍ରେସ ନେତୃବୃନ୍ଦଙ୍କ ନୀରବତା କାରଣରୁ ଆପ୍‌ ପକ୍ଷରୁ କଂଗ୍ରେସକୁ ସମାଲୋଚନା କରାଯାଉଛି । ଆପ୍‌ ନେତ୍ରୀ ପ୍ରୀତି ଶର୍ମା ମେନନ କଂଗ୍ରେସ ଦଳର ନେତାମାନଙ୍କୁ ସମାଲୋଚନା କରି ଏକ ଟ୍ବିଟ୍‌ କରିଛନ୍ତି । କଂଗ୍ରେସ ଦଳର ନେତାମାନେ ରାଷ୍ଟ୍ର ଅପେକ୍ଷା ଦଳକୁ ଭଲ ପାଇଥାନ୍ତି । ଏହି କାରଣରୁ ମହାରାଷ୍ଟ୍ରକୁ ଏକ ପ୍ଲେଟ୍‌ରେ ସେମାନେ ବିଜେପକୁ ହସ୍ତାନ୍ତର କରିଛନ୍ତି । ବିଜେପିକୁ କ୍ଷମତାରୁ ଦୂରେଇ ରଖିବା ପାଇଁ କଂଗ୍ରେସ ନେତାମାନେ ଏନ୍‌ସିପି ଏବଂ ଶିବସେନା ମେଣ୍ଟକୁ ସହାୟତା କରିବା ବଦଳରେ ବିଜେପିର ସହାୟତା କରୁଛି ବୋଲି ଶର୍ମା ଅଭିଯୋଗ କରିଛନ୍ତି ।

ଚାର୍ଲିସ୍‌ ଆଞ୍ଜେଲ୍‌ସ ପ୍ରମୋସନରେ ନୂଆ ଅବତାରରେ କ୍ରିଷ୍ଟେନ୍‌ ଷ୍ଟିଓ୍ବାର୍ଟ

ହଲିଉଡ୍‌ ଅଭିନେତ୍ରୀ କ୍ରିଷ୍ଟେନ୍‌ ଷ୍ଟିଓ୍ବାର୍ଟ ନିଜର ଅପ୍‌କମିଙ୍ଗ ଫିଲ୍ମ ଚାର୍ଲିସ୍‌ ଏଞ୍ଜେଲ୍ସର ତୃତୀୟ ଭାଗ ପାଇଁ ଏକ ନୂଆ ଅବତାରରେ ନଜର ଆସିଛନ୍ତି । ସର୍ବଦା ନିଜର ଅଲଗା ଷ୍ଟାଇଲ ପାଇଁ ଚର୍ଚ୍ଚାରେ ରହୁଥିବା କ୍ରିଷ୍ଟେନ୍‌ ଏହି ଫିଲ୍ମର ପ୍ରମୋସନ ପାଇଁ ପୁଣି ଥରେ ଛୋଟ କେଶରେ ନଜର ଆସିଛନ୍ତି । ସୋମବାର ରାତିରେ ଓ୍ବେଷ୍ଟଉଡ୍‌ର ରିଜେନ୍ସି ଭିଲେଜ୍‌ ଥିଏଟରରେ କ୍ରିଷ୍ଟେନ ନିଜ ନୂଆ ଗେଟ୍‌ ଅପ୍‌ରେ ଫିଲ୍ମର ପ୍ରିମିୟରରେ ନଜର ଆସିଥିଲେ । ଆସନ୍ତା 14 ତାରିଖରେ ଏହି ଫିଲ୍ମଟି ରିଲିଜ୍‌ ହେବାକୁ ଯାଉଛି ।

ହଂକଂ ଓପନ୍‌ ମୁଖ୍ୟ ଡ୍ରରେ ସୌରଭ ବର୍ମା

ଭାରତୀୟ ସଟ୍‌ଲର ସୌରଭ ବର୍ମା ହଂକଂ ଓପନ୍‌ ମୁଖ୍ୟ ଡ୍ରରେ ପ୍ରବେଶ କରିଛନ୍ତି । ମଙ୍ଗଳବାର ଅନୁଷ୍ଠିତ ଯୋଗ୍ୟତା ପର୍ଯ୍ୟାୟ ମ୍ୟାଚ୍‌ରେ ବିଜୟୀ ହେବା ସହିତ ସୌରଭ ମୁଖ୍ୟ ଡ୍ରରେ ସାମିଲ ହୋଇଛନ୍ତି । ଦୁଇଟି ଯୋଗ୍ୟତା ପର୍ଯ୍ୟାୟ ମ୍ୟାଚ୍‌ରେ ବିଜୟୀ ହୋଇଛନ୍ତି ସୌରଭ । ଥାଇଲାଣ୍ଡର ଟାନୋଙ୍ଗସାକ୍‌ ସାଏନ୍ସୋମ୍ବୁନ୍ସକଙ୍କୁ 21-15 ଏବଂ 21-19 ସେଟ୍‌ରେ ପରାସ୍ତ କରିଥିବା ବେଳେ ଫ୍ରାନ୍ସର ଲୁକାସ୍‌ କ୍ଲେୟାରବାଉଟ୍‌ଙ୍କୁ 21-19 ଏବଂ 21-19 ସେଟ୍‌ରେ ପରାସ୍ତ କରିଥିଲେ ସୌରଭ । ପ୍ରଥମ ମ୍ୟାଚ୍‌କୁ ସୌରଭ 45 ମିନିଟ୍‌ରେ ବିଜୟୀ ହୋଇଥିବା ବେଳେ ଦ୍ବିତୀୟ ମ୍ୟାଚ୍‌ରେ ବିଜୟୀ ହେବା ପାଇଁ 47 ମିନିଟ୍‌ ସମୟ ନେଇଥିଲେ ।

ମହାରାଷ୍ଟ୍ର ପରେ ଝାରଖଣ୍ଡରେ ବିଜେପି ହାତ ଛାଡିଲେ ସହଯୋଗୀ ଦଳ

ମହାରାଷ୍ଟ୍ରରେ ବିଜେପି ଏବଂ ଶିବସେନା ମଧ୍ୟରେ ବିବାଦ ପରେ ବର୍ତ୍ତମାନ ଝାରଖଣ୍ଡରେ ଦଳକୁ ସମାନ ପରସ୍ଥିତିର ସମ୍ମୁଖୀନ ହେବାକୁ ପଡିଛି । ଆସନ ଆବଣ୍ଟନକୁ ନେଇ ଝାରଖଣ୍ଡ ନିର୍ବାଚନ ପୂର୍ବରୁ ଚିରାଗ ପାଶ୍ବାନଙ୍କ ଦଳ ଲୋକ ଜନଶକ୍ତି ପାର୍ଟି ବିଜେପିର ହାତ ଛାଡିଛି । 2014ରେ ଏଲ୍‌ଜେପି ମାତ୍ର ଗୋଟିଏ ଆସନରେ ପ୍ରତିଦ୍ବନ୍ଦିତା କରି ପରାଜିତ ହୋଇଥିଲା । ବିଜେପି ପକ୍ଷରୁ ଏଲ୍‌ଜେପିକୁ 6ଟି ଆସନ ପ୍ରଦାନ କରାଯାଇଥିବା ବେଳେ ଚିରାଗ ପାଶ୍ବାନଙ୍କ ଦଳ 50 ଆସନରେ ପ୍ରତିଦ୍ବନ୍ଦିତା କରିବା ନେଇ ସୂଚନା ଦେଇଛି । ମଙ୍ଗଳବାର ସନ୍ଧ୍ୟାରେ ଏଲ୍‌ଜେପି ନିଜର ପ୍ରାର୍ଥୀ ତାଲିକା ଘୋଷଣା କରିବ ବୋଲି ଜଣା ପଡିଛି ।

ଗାନ୍ଦେରବାଲରେ ଏନକାଉଣ୍ଟର : 2 ଆତଙ୍କୀ ନିହତ

ଜମ୍ମୁ କଶ୍ମୀରରେ ପୁଣି ଥରେ ସୁରକ୍ଷାବାହିନୀର ଯବାନ ଓ ଆତଙ୍କବାଦୀମାନେ ମୁହାଁମୁହିଁ ହୋଇଛନ୍ତି । ଗାନ୍ଦେରବାଲ ଠାରେ ସୁରକ୍ଷାବାହିନୀର ଯବାନଙ୍କ ଗୁଳିରେ ଦୁଇ ଜଣ ଆତଙ୍କବାଦୀ ନିହତ ହୋଇଛନ୍ତି । ଗତକାଲିର ଏନକାଉଣ୍ଟର ପରେ ଦୁଇ ଆତଙ୍କବାଦୀ ଲୁଚି ରହିଥିବା ସୂଚନା ମିଳିବା ପରେ ସେନାର ଯବାନମାନେ ଆକ୍ରମଣ କରିଥିଲେ । ଲୁଡ୍ରା ଗାଁରେ ଆତଙ୍କବାଦୀ ଲୁଚି ରହିଥିବା ଖବର ମିଳିବା ପରେ ସୁରକ୍ଷାବାହିନୀ ଉକ୍ତ ଅଞ୍ଚଳକୁ ଘେରାବନ୍ଦୀ କରିଥିଲେ ।

ସାଓ୍ବନ୍ତଙ୍କ ଇସ୍ତଫାକୁ ରାଷ୍ଟ୍ରପତିଙ୍କ ମଞ୍ଜୁରୀ : ଜାଭଡେକରଙ୍କୁ ଅତିରିକ୍ତ ଦାୟିତ୍ବ

ଗତକାଲି କେନ୍ଦ୍ର କ୍ୟାବିନେଟ୍‌ରୁ ଇସ୍ତଫା ପ୍ରଦାନ କରିଥିବା ଶିବସେନା ନେତା ଅରବିନ୍ଦ ଗଣପତ ସାଓ୍ବନ୍ତଙ୍କ ଇସ୍ତଫାପତ୍ରକୁ ରାଷ୍ଟ୍ରପତି ରାମନାଥ କୋବିନ୍ଦ ମଞ୍ଜୁରୀ ପ୍ରଦାନ କରିଛନ୍ତି । ରାଷ୍ଟ୍ରପତିଙ୍କ କାର୍ଯ୍ୟାଳୟ ପକ୍ଷରୁ ମଙ୍ଗଳବାର ଏ ନେଇ ସୂଚନା ପ୍ରଦାନ କରାଯାଇଛି । ଏହା ସହିତ ସାଓ୍ବନ୍ତଙ୍କ ସ୍ଥାନରେ କେନ୍ଦ୍ରମନ୍ତ୍ର ପ୍ରକାଶ ଜାଭଡେକରଙ୍କୁ ଅତିରିକ୍ତ ଦାୟିତ୍ବ ପ୍ରଦାନ କରାଯାଇଛି । ପରିବେଶ ମନ୍ତ୍ରାଳୟ ଦାୟିତ୍ବରେ ରହିଥିବା ଜାଭଡେକର ଅତିରିକ୍ତ ଭାବରେ ଭାଶିଶିଳ୍ବ ବିଭାଗର ଦାୟିତ୍ବ ସମ୍ଭାଳିବେ । ଉଲ୍ଲେଖଯୋଗ୍ୟ ଯେ, ସାଓ୍ବନ୍ତ ଏକମାତ୍ର ଶିବସେନା ସାଂସଦ ଭାବରେ କ୍ୟାବିନେଟ୍‌ ପାହ୍ୟା ହାସଲ କରିଥିଲେ ।

ଯାଜପୁରରେ ମର୍ମନ୍ତୁଦ ସଡକ ଦୁର୍ଘଟଣା : 3 ମୃତ

ଯାଜପୁର ଜିଲ୍ଲା ପାଣିକୋଇଲିରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏକ ଆଳୁ ବୋଝେଇ ଟ୍ରକକୁ ଓଭର ଟେକ୍ କରି 3 ଜଣ ବାଇକ ଆରୋହୀ ପ୍ରାଣ ହରାଇଛନ୍ତି । ଆଜି ସକାଳେ ଗୋଟିଏ ବାଇକରେ ତିନିଜଣ ଯୁବକ ଏକ ଆଳୁ ବୋଝେଇ ଟ୍ରକକୁ ଓଭର ଟେକ୍ କରିବାକୁ ଚେଷ୍ଟା କରୁଥିଲେ । ତେବେ ସେହି ସମୟରେ ବାଇକ ଚାଳକ ଭାରସାମ୍ୟ ହରାଇବାରୁ ବାଇକଟି ରାସ୍ତାଉପରେ ପଡିଯାଇଥିଲା । ଯୁବକମାନେ ମଧ୍ୟ ରାସ୍ତାରେ ଛିଟିକି ପଡିଥିଲେ । ଫଳରେ ଘଟଣାସ୍ଥଳରେ ବାଇକ ଚାଳକଙ୍କ ମୃତ୍ୟୁ ଘଟିଥିଲା । ଅନ୍ୟ ଦୁଇଜଣ ମଧ୍ୟ ମେଡିକାଲରେ ପ୍ରାଣ ହରାଇଥିଲେ ।

ପିପିଲିରେ ଅଗ୍ନିକାଣ୍ଡ : 21 ବଖରା ଭସ୍ମୀଭୂତ

ପୁରୀ ଜିଲ୍ଲାର ପିପିଲିରେ ଭୟାବହ ଅଗ୍ନିକାଣ୍ଡ ଘଟିଛି । ପିପିଲିର ମାଛପଡା ଗ୍ରାମରେ ଏହି ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ 21 ବଖରା ଘର ଜଳି ଯାଇଛି । ଗତକାଲି ବିଳମ୍ବିତ ରାତ୍ରରେ ମାଛପଡା ଗ୍ରାମରେ ଗୋଟିଏ ଘରେ ନିଆଁ ଲାଗିଯାଇଥିଲା । ପରେ ଏହା ଅନ୍ୟ ଘରକୁ ବ୍ୟାପିଥିଲା । କିଛି ସମୟ ମଧ୍ୟରେ 21 ବଖରା ଘର ଜଳିପୋଡି ପାଉଁଶ ହୋଇଯାଇଥିଲା । ଖବର ପାଇଁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲା ।

କାର୍ତ୍ତିକ ପୂର୍ଣ୍ଣିମାରେ ଡଙ୍ଗା ଭସାଇଲେ ଶ୍ରଦ୍ଧାଳୁ

ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା । ଏହି ଅବସରରେ ରାଜ୍ୟର ବିଭିନ୍ନ ଅଞ୍ଚଳରେ ପାଳନ ହୋଇଛି ବୋଇତ ବନ୍ଦାଣ ଉତ୍ସବ । ବଡ଼ି ଭୋରରୁ ରାଜ୍ୟର ବିଭିନ୍ନ ନଦୀ, ପୁଷ୍କରିଣୀ ଓ ମହୋଦଧୀରେ ଡଙ୍ଗା ଭସାଇଛନ୍ତି ଶ୍ରଦ୍ଧାଳୁ । କଟକର ମହାନଦୀ ଓ କାଠଯୋଡ଼ି ନଦୀ, ଭୁବନେଶ୍ୱରର ବିନ୍ଦୁ ସାଗର, ପୁରୀ ସମୁଦ୍ର କୂଳ ଓ ଗୋପାଳପୁର ବିଚ୍‌ରେ ପ୍ରବଳ ଭିଡ଼ ଜମିଥିଲା । ଭଳି ଭଳିକି ରଙ୍ଗର ବୋଇତ ଭସାଇଥିଲେ ଶ୍ରଦ୍ଧାଳୁ ।

ସରକାର ଗଠନ ପାଇଁ ଶିବସେନା ଅନୁରୋଧକୁ ରାଜ୍ୟପାଳଙ୍କ ପ୍ରତ୍ୟାଖ୍ୟାନ : ଏନ୍‌ସିପିକୁ ଆମନ୍ତ୍ରଣ

ମହାରାଷ୍ଟ୍ରରେ ସରକାର ଗଠନ ପାଇଁ ଶିବସେନାର ଅନୁରୋଧକୁ ରାଜ୍ୟପାଳ ପ୍ରତ୍ୟାଖ୍ୟାନ କରିବା ସହିତ ଏନ୍‌ସିପିକୁ ସରକାର ଗଠନ ପାଇଁ ଆମନ୍ତ୍ରଣ କରିଛନ୍ତି । ଶିବସେନା ପକ୍ଷରୁ ସୋମବାର ସନ୍ଧ୍ୟାରେ ରାଜ୍ୟପାଳଙ୍କୁ ଭେଟି 48 ଘଣ୍ଟାର ସମୟ ମଗାଯାଇଥିବା ବେଳେ ରାଜ୍ୟପାଳ ଏହାକୁ ଖାରଜ କରି ଦେଇଥିଲେ । ଏହାପରେ ରାଜ୍ୟପାଳଙ୍କ ପକ୍ଷରୁ ତୃତୀୟ ବୃହତ ଦଳ ଶିବସେନାକୁ ସରକାର ଗଠନ ପାଇଁ ଆମନ୍ତ୍ରଣ କରାଯାଇଛି । ମଙ୍ଗଳବାର ରାତି 8.30 ପର୍ଯ୍ୟନ୍ତ ଶିବସେନାକୁ ସରକାର ଗଠନର ସମୟ ଦିଆଯାଇଛି । ଏନ୍‌ସିପି ନେତା ଅଜିତ ପଓ୍ବାର ରାଜ୍ୟପାଳଙ୍କୁ ଭେଟିବା ପରେ ଏହି ସୂଚନା ପ୍ରଦାନ କରିଥିଲେ ।

ଛାତି ଯନ୍ତ୍ରଣାରୁ ହସ୍ପିଟାଲରେ ଭର୍ତ୍ତି ହେଲେ ସଞ୍ଜୟ ରାଉତ

ଶିବସେନା ସାଂସଦ ସଞ୍ଜୟ ରାଉତ ଛାତି ଯନ୍ତ୍ରଣା କାରଣରୁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଅପରାହ୍ନ 3.30 ମିନିଟ୍‌ ସମୟରେ ଛାତି ଯନ୍ତ୍ରଣା କାରଣରୁ ରାଉତଙ୍କୁ ମୁମ୍ବାଇର ଲୀଲାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା । ଦୁଇ ଦିନ ପୂର୍ବରୁ ରାଉତ ଲୀଲାବତୀ ହସ୍ପିଟାଲକୁ ନିଜର ଚିକିତ୍ସା ପାଇଁ ଯାଇଥିବା ଜଣାପଡିଛି । ଡ. ଜଲିଲ୍‌ ପାର୍କର ରାଉତଙ୍କ ଚିକିତ୍ସା କରୁଛନ୍ତି । ହସ୍ପିଟାଲରେ ଡାକ୍ତର ସଞ୍ଜୟଙ୍କ ଆଞ୍ଜିଓଗ୍ରାଫି କରିଛନ୍ତି ।

ଭାରତରେ 7 ହଜାର କୋଟି ନିବେଶ କରିବ ଗ୍ରେଟ୍‌ ଓ୍ବାଲ୍‌ ମୋଟର୍ସ

ଚୀନ୍‌ ଅଟୋ ମୋବାଇଲ୍‌ କମ୍ପାନୀ ଗ୍ରେଟ୍‌ ଓ୍ବାଲ୍‌ ମୋଟର୍ସ ଭାରତରେ 7 ହଜାର କୋଟିର ନିବେଶ କରିବାକୁ ଯାଉଛି । ଗ୍ରେଟ୍‌ ଓ୍ବାଲ୍‌ ମୋଟର୍ସର ସହଯୋଗୀ କମ୍ପାନୀ ହାଭାଲ୍‌ ମୋଟର୍ସ ଇଣ୍ଡିଆ ଅକ୍ଟୋବରରେ ଭାରତରେ ନିଜର କମ୍ପାନୀ ମୁଖ୍ୟାଳୟ ନୋଇଡାରେ ପ୍ରତିଷ୍ଠା କରିଥିଲା । ଗୁରୁଗାଓଁରେ କମ୍ପାନୀର ପ୍ରଥମ ୟୁନିଟ୍‌ ସ୍ଥାପନ କରାଯିବାର ଯୋଜନା ରହିଛି । ନୂତନ ୟୁନିଟ୍‌ ସ୍ଥାପନ କରିଲେ ବର୍ତ୍ତମାନର ନିୟମ ଅନୁଯାୟୀ ମାତ୍ର 15 ପ୍ରତିଶତର କର୍ପୋରେଟ୍‌ ଟିକସ୍‌ ପ୍ରଦାନ କରିବାକୁ ପଡିବ । ମହାରାଷ୍ଟ୍ର, ଗୁଜରାଟ, କର୍ଣ୍ଣାଟକ, ଆନ୍ଧ୍ରପ୍ରଦେଶ ଏବଂ ତାମିଲନାଡୁର ବିଭିନ୍ନ ସ୍ଥାନରେ ଜମି ପ୍ରଦାନ ପାଇଁ କମ୍ପାନୀ ପକ୍ଷରୁ ପତ୍ର ଲେଖାଯାଇଛି ।

ବର୍ଦ୍ଧିତ ଦେୟ ପ୍ରତିବାଦରେ ଜେଏନ୍‌ୟୁରେ ବିକ୍ଷୋଭ

ଜଓ୍ବାହାରଲାଲ ନେହେରୁ ବିଶ୍ବବିଦ୍ୟାଳୟରେ ସୋମବାର ଛାତ୍ରଛାତ୍ରୀ ବିକ୍ଷୋଭ ପ୍ରଦର୍ଶନ କରିଛନ୍ତି । ଜେଏନ୍‌ୟୁର ସମାବର୍ତ୍ତନ ଉତ୍ସବରେ ଉପ ରାଷ୍ଟ୍ରପତି ଏମ୍‌ ଭେଙ୍କିଆ ନାଇଡୁ ଯୋଗ ଦେଉଥିବାରୁ ଛାତ୍ରଛାତ୍ରୀଙ୍କ ପକ୍ଷରୁ ବିରୋଧକୁ ଜୋରଦାର କରାଯାଇଥିଲା । ହଷ୍ଟେଲ ଦେୟ ବୃଦ୍ଧି କରାଯାଇଥିବା କାରଣରୁ ଛାତ୍ରଛାତ୍ରୀଙ୍କ ପକ୍ଷରୁ ଏହି ବିରୋଧ ପ୍ରଦର୍ଶନ କରାଯାଇଥିଲା । ବିଶ୍ବବିଦ୍ୟାଳୟ କର୍ତ୍ତୃପକ୍ଷ ଛାତ୍ର ବିରୋଧୀ ମନୋଭାବ ପୋଷଣ କରୁଛନ୍ତି ବୋଲି ନାରା ଲଗାଇଥିଲେ ଛାତ୍ରଛାତ୍ରୀ । ଜେଏନ୍‌ୟୁରେ ବାର୍ଷିକ 200 ଟଙ୍କା ହଷ୍ଟେଲ ଦେୟ ପ୍ରଦାନ କରିବାକୁ ପଡୁଥିବା ବେଳେ ବର୍ତ୍ତମାନ ଏହାକୁ ମାସିକ 15 ଶହ ଟଙ୍କାକୁ ବୃଦ୍ଧି କରାଯାଇଛି ।

13 ତାରିଖରୁ ବିଧାନସଭାର ଶୀତକାଳୀନ ଅଧିବେଶନ

ଆସନ୍ତା 13 ତାରିଖରୁ ବିଧାନସଭାର ଶୀତକାଳୀନ ଅଧିବେଶନ ଆରମ୍ଭ ହେବ । ପ୍ରଥମ ଦିନରେ 2019-20 ଆର୍ଥିକ ବର୍ଷ ପାଇଁ ଅତିରିକ୍ତ ବଜେଟ୍ ଆଗତ ହେବ । ଡିସେମ୍ବର 19 ତାରିଖ ଯାଏ ଶୀତ ଅଧିବେଶନ ଚାଲିବ । ଅଧିବେଶନରେ ମୋଟ୍ 30ଟି କାର୍ଯ୍ୟଦିବସ ରହିବ । ଏନେଇ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ସୋମବାର ସୂଚନା ଦେଇଛନ୍ତି । ଏଥିସହ ଗୃହକୁ ସୁରୁଖୁରୁରେ ଚଳାଇବାକୁ ବିରୋଧୀଙ୍କ ସହଯୋଗ ମଧ୍ୟ ଲୋଡ଼ିଛନ୍ତି ମନ୍ତ୍ରୀ ଆରୁଖ ।

ଦୁଇ ଟ୍ରେନ୍‌ ମୁହାଁମୁହିଁ ଧକ୍କା : 1 ମୃତ, 20 ଆହତ

ସିଗ୍ନାଲ ଫେଲ ହେବା କାରଣରୁ ହାଇଦ୍ରାବାଦ କାଚେଗୁଡା ଷ୍ଟେସନରେ ଦୁଇଟି ଟ୍ରେନ୍ ମୁହାଁମୁହିଁ ଧକ୍କା ହୋଇଛନ୍ତି । ପ୍ରାୟ 10.30ରେ ଦୁର୍ଘଟଣା ଘଟିଥିଲା । ଏହି ଘଟଣାରେ ଜଣଙ୍କର ପ୍ରାଣହାନି ଘଟଥିବା ବେଳେ 20 ଜଣ ଯାତ୍ରୀ ଆହତ ହୋଇଛନ୍ତି । ପୋଲିସ ଓ ରେଲୱେ କର୍ମଚାରୀ ପହଞ୍ଚି ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛନ୍ତି । ସିଗ୍‌ନାଲରେ ତ୍ରୁଟି କାରଣରୁ କର୍ଣ୍ଣୁଲରୁ ଆସୁଥିବା ହୁଣ୍ଡ୍ରି ଏକ୍ସପ୍ରେସ ଏବଂ ଏମ୍‌ଏମ୍‌ଟିଏସ୍‌ ଟ୍ରେନ୍‌ ମଧ୍ୟରେ ଦୁର୍ଘଟଣା ଘଟିଥିଲା । ରେଳମନ୍ତ୍ରୀ ପୀୟୁଷ ଗୋୟଲ ଘଟଣାକୁ ନେଇ ଦୁଃଖ ପ୍ରକାଶ କରିବା ସହିତ ଘଟଣାର ଉଚ୍ଚସ୍ତରୀୟ ତଦନ୍ତର ନିର୍ଦ୍ଦେଶ ଦିଆଯାଇଛି ।

52 ପ୍ରାର୍ଥୀଙ୍କ ନାମ ଘୋଷଣା କଲା ଝାରଖଣ୍ଡ ବିଜେପି

ଝାରଖଣ୍ଡ ବିଧାନସଭା ନିର୍ବାଚନ ପୂର୍ବରୁ 52 ବିଧାନସଭା ବସନ ପାଇଁ ବିଜେପି ପ୍ରାର୍ଥୀ ତାଲିକା ଘୋଷଣା କରାଯାଇଛି । 81 ଆସନ ବିଶିଷ୍ଟ ଝାରଖଣ୍ଡରେ ପାଞ୍ଚଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବା ନେଇ ଘୋଷଣା ହୋଇଥିବା ବେଳେ ଆଜି ବିଜେପି କାର୍ଯ୍ୟକାରୀ ସଭାପତି ଜେପି ନଡ୍ଡା 52 ଜଣିଆ ପ୍ରାର୍ଥୀ ତାଲିକା ଘୋଷଣା କରିଛନ୍ତି । 52 ଜଣିଆ ପ୍ରାର୍ଥୀ ତାଲିକାରେ 12 ଜଣ ନୂଆ ମୁହଁଙ୍କୁ ସ୍ଥାନ ଦିଆଯାଇଛି । ଝାରଖଣ୍ଡରେ 5 ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବାକୁ ଥିବା ବେଳେ ନଭେମ୍ବର30ରୁ ଆରମ୍ଭ ହୋଇ ଏହା ଡିସେମ୍ବର 20 ପର୍ଯ୍ୟନ୍ତ ଚାଲିବ । ଡିସେମ୍ବର 23ରେ ନିର୍ବାଚନୀ ଫଳାଫଳ ପ୍ରକାଶ ପାଇବ ।

ଦିଲ୍ଲୀ ଏକ୍ସପ୍ରେସ୍‌ ଓ୍ବେରେ ଦୁର୍ଘଟଣା : 5 ମୃତ

ଦିଲ୍ଲୀ-ନୋଇଟା ଏକ୍ସପ୍ରେସଓ୍ବେରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଗୋଟିଏ ପରିବାରର 5 ଜଣ ପ୍ରାଣ ହରାଇଛନ୍ତି । ଗ୍ରେଟର ନୋଏଡାରେ ଏହି ଦୁର୍ଘଟଣା ଘଟିଥିବା ବେଳେ 8 ଜଣ ଆହତ ହୋଇଥିବା ଜଣାପଡିଛି । ପୋଲିସ୍‌ ପକ୍ଷରୁ ମିଳିଥିବା ସୂଚନା ଅନୁଯାୟୀ ରବିବାର ବିଳମ୍ବିତ ରାତିରେ ଏକ ଅଜଣା ଗାଡି ଏହି କାରଟିକୁ ଧକ୍କା ଦେବା ଫଳରେ ଘଟଣାସ୍ଥଳରେ 5 ଜଣଙ୍କର ପ୍ରାଣହାନି ଘଟିଥିଲା । ଆହତ 8 ଜଣଙ୍କୁ ହସ୍ପିଟାଲରେ ଭର୍ତ୍ତି କରିବା ସହିତ ପୋଲିସ୍‌ ଦୁର୍ଘଟଣାର ତଦନ୍ତ କରୁଛି ।

ମହାରାଷ୍ଟ୍ରରେ ରାଜନୈତିକ ଅସ୍ଥିରତା ଜାରି ରହିବ : ସଞ୍ଜୟ ନିରୁପମ

ମହାରାଷ୍ଟ୍ରରେ ରାଜନୈତିକ ଅସ୍ଥିରତା ଥମିବାର ନାମ ନେଉନାହିଁ । ବିଜେପି-ଶିବସେନା ମେଣ୍ଟ ସମ୍ଭାବନା ଶେଷ ହେବା ପରେ ଏନ୍‌ସିପି ଏବଂ କଂଗ୍ରେସ ସହିତ ଶିବସେନା ମେଣ୍ଟ ସମ୍ଭାବନା ସୃଷ୍ଟି ହୋଇଛି । ଏନ୍‌ସିପି ଏବଂ କଂଗ୍ରେସ ସହିତ ମେଣ୍ଟ ନେଇ ଶିବସେନା ପକ୍ଷରୁ ସ୍ପଷ୍ଟ କରାଯାଇଥିବା ବେଳେ ଏହାକୁ ନେଇ କଂଗ୍ରେସ ନେତା ସଞ୍ଜୟ ନିରୁପମ ଦଳକୁ ଚେତାବନୀ ଦେଇଛନ୍ତି । ମହାରାଷ୍ଟ୍ରରେ କେଉଁ ଦଳ ସରକାର ଗଠନ କରୁଛି ତାହା ଗୁରୁତ୍ବପୂର୍ଣ୍ଣ ନୁହେଁ, ମାତ୍ର ବର୍ତ୍ତମାନର ପରସ୍ଥିତିକୁ ଧ୍ୟାନରେ ରଖିଲେ ରାଜନୈତିକ ଅସ୍ଥିରତା ଜାରି ରହିବ ବୋଲି ନିରୁପମ କହିଛନ୍ତି । ଏହା ସହିତ ନିରୁପମ କହିଛନ୍ତି, ବର୍ତ୍ତମାନର ପରସ୍ଥିତି ଜାରି ରହିଲେ 2020 ସୁଦ୍ଧା ନିର୍ବାଚନ ଅନୁଷ୍ଠିତ ହୋଇପାରେ ।

ବନ୍ଦିପୋରାରେ ଏନ୍‌କାଉଣ୍ଟର : ଯବାନ ଶହୀଦ, 2 ଆତଙ୍କୀ ମୃତ

ଜମ୍ମୁ କାଶ୍ମୀରର ବନ୍ଦିପୋରାରେ ଏକ ଏନ୍‌କାଉଣ୍ଟର ଘଟିଛି । ଏହି ଏନକାଉଣ୍ଟରରେ ଜଣେ ଯବାନ ଶହୀଦ ହୋଇଥିବା ବେଳେ ଦୁଇ ଜଣ ଆତଙ୍କବାଦୀ ପ୍ରାଣ ହରାଇଛନ୍ତି । ଶ୍ରୀନଗରରୁ 55 କିମି ଦୂରରେ ଅବସ୍ଥାପିତ ଲଡ୍ବାରା ଗ୍ରାମରେ ଏହି ଏନ୍‌କାଉଣ୍ଟର ସଙ୍ଗଠିତ ହୋଇଥିଲା । ଏନ୍‌କାଉଣ୍ଟର ପରେ ସୁରକ୍ଷା ବଳ ଘଟଣାସ୍ଥଳରୁ ବିପୁଳ ପରିମାଣରେ ଅସ୍ତ୍ରଶସ୍ତ୍ର ଏବଂ ବିସ୍ଫୋରକ ସାମଗ୍ରୀ ଜବତ କରିଥିଲେ । ରବିବାର ଅପରାହ୍ନରେ ସୁରକ୍ଷା ବଳଙ୍କ ପକ୍ଷରୁ ସର୍ଚ୍ଚ ଅପରେଶନ ଜାରି ରହିଥିବା ବେଳେ ଆତଙ୍କୀଙ୍କ ପକ୍ଷରୁ ଗୁଳିଚାଳନା କରାଯାଇଥିଲା ।