ଆମକୁ ବିରୋଧରେ ବସିବା ପାଇଁ ସୁଯୋଗ ମିଳିଛି : ଶରଦ ପାଓ୍ବାର

ମହାରାଷ୍ଟ୍ରରେସରକାର ଗଠନ ନେଇ ଚାଲିଥିବା ଦ୍ବନ୍ଦ୍ବ ମଧ୍ୟରେ ଆଜି ଏନ୍‌ସିପି ମୁଖ୍ୟ ଶରଦ ପାଓ୍ବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଯାହାଙ୍କୁ ଜନାଦେଶ ମିଳିଛି, ସେମାନେ ଏହି ସମସ୍ୟାର ସମାଧାନ କରି, ସରକାର ଗଠନ କରନ୍ତୁ। ଆମକୁ ବିରୋଧରେ ବସିବାକୁ ସୁଯୋଗ ମିଳିଛି। ବିଜେପି ଓ ଶିବସେନା ସରକାର ଗଢନ୍ତୁ ଓ ନିଜ ନିଜ ଭୂମିକା ନିର୍ବାହ କରନ୍ତୁ ବୋଲି କହିଛନ୍ତି। ଏହାସହିତ ପାଓ୍ବାର କହିଛନ୍ତି ଯେ, ଶିବସେନା ଓ ବିଜେପି ୩୦ ବର୍ଷ ଧରି ମେଣ୍ଟରେ ରହିଛନ୍ତି। ଆଜି ନହେଲେ କାଲି ଏକାଠି ହୋଇଯିବେ। ମହାରାଷ୍ଟ୍ର ସରକାର ଗଠନରେ ଏନ୍‌ସିପିର କୌଣସି ଭୂମିକା ନାହିଁ ବୋଲି କହିଛନ୍ତି ପାଓ୍ବାର।

Leave a Reply