ବେଆଇନ ପାଥୋ ଲାବ୍‌ ସିଲ୍‌

    “ମୋ ସରକାର” କାର୍ଯ୍ୟକାରିତାକୁ ଗୁରୁତ୍ବର ସହ ନେଇ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁସାରେ ରାଜ୍ୟରେ ସମସ୍ତ ଜିଲ୍ଲା ଗସ୍ତ କରି ୫ଟି ସଚିବ ଭ.କେ ପାଣ୍ଡିଆନ ବୁଲି ରୋଗୀଙ୍କ ସୁବିଧା ସମ୍ପର୍କରେ ବୁଝିଥିଲେ। ଆଜି ଭ.କେ ପାଣ୍ଡିଆନ ସୁନ୍ଦରଗଡ଼ ଜିଲ୍ଲା ଗସ୍ତ କରିଥିଲେ। ଜିଲ୍ଲା ମୁଖ୍ୟ ଚିକିତ୍ସାଳୟରେ ସେ “ମୋ ସରକାର” କାର୍ଯ୍ୟକ୍ରମର ସମୀକ୍ଷା କରିଛନ୍ତି। ଜଣେ ରୋଗୀଙ୍କ ବ୍ଲଡ଼ ରିପୋର୍ଟ ମେଡିକାଲ ରୋଡ଼ରେ ଥିବା ଏକ ପାଥୋ ଲ୍ୟାବରେ ଯାଂଚ କରାଯାଇଥିଲା। ସେହି ଲ୍ୟାବର କ୍ଲିନିକାଲ ଏଷ୍ଟାବ୍ଲିସମେଣ୍ଟ ସାର୍ଟିଫିକେଟ ନଥାଇ ବେଆଇନ ଭାବେ ଚାଲୁଥିବାରୁ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ତହସିଲଦାର ଲ୍ୟାବଟିକୁ ସିଲ କରିଛନ୍ତି।

    ପୁଣେ ଟେଷ୍ଟ : ଦ୍ବିତୀୟ ଟେଷ୍ଟରେ ଦକ୍ଷିଣ ଆଫ୍ରିକାକୁ ଗୋଟିଏ ଇନ୍ନିଂସ୍‌ ଓ ୧୩୭ ରନ୍‌ରେ ହରାଇଲା ଭାରତ

    ଦ୍ବିତୀୟ ଟେଷ୍ଟ ମ୍ୟାଚରେ ଭାରତୀୟ ଦଳ ଦକ୍ଷିଣ ଆଫ୍ରିକାକୁ ଗୋଟିଏ ଇନିଂସ ଓ ୧୩୭ ରନରେ ହରାଇଛନ୍ତି। ଏହି ବିଜୟ ସହ ଭାରତ ତିନି ମ୍ୟାଚ୍ ବିଶିଷ୍ଠ ଟେଷ୍ଟ ସିରିଜକୁ ୨-୦ରେ ହାତେଇନେଇଛି। ପ୍ରଥମ ଇନିଂସରେ ଭାରତର ୬୦୧ ରନ ଜବାବରେ ଦକ୍ଷିଣ ଆଫ୍ରିକା ୩ୟ ଦିବସ ଶେଷ ସୁଦ୍ଧା ୨୭୫ ରନରେ ଅଲଆଉଟ୍‌ ହୋଇଯାଇଥିଲା। ଏହା ପରେ ଭାରତ ଭ୍ରମଣକାରୀ ଦଳକୁ ଫଲୋଅନ୍‌ ଦେଇଥିଲା। ଫଳରେ ୪ର୍ଥ ଦିନରେ ଦକ୍ଷିଣ ଆଫ୍ରିକା ଦ୍ୱିତୀୟ ଇନିଂସରେ ମାତ୍ର ୧୮୯ ରନରେ ଅଲଆଉଟ୍ ହୋଇଥିଲା। ଭାରତ ପକ୍ଷରୁ ରବୀନ୍ଦ୍ର ଜାଡେଜା ଓ ଉମେଶ ଯାଦବ ୩ଟି ଲେଖାଏ ୱିକେଟ୍ ନେଇଥିବା ବେଳେ ରବିଚନ୍ଦ୍ରନ୍ ଅଶ୍ୱିନ ଦୁଇଟି ଓ୍ବିକେଟ୍‌ ନେଇଛନ୍ତି।

    ଭାରତ ଗସ୍ତରେ ନେଦରଲାଣ୍ଡ ରାଜଦମ୍ପତି

    ନେଦରଲାଣ୍ଡର ରାଜା ୱିଲିୟମ-ଆଲେକଜେଣ୍ଡର ଏବଂ ରାଣୀ ମୌକ୍ସିମା  ପାଞ୍ଚଦିନିଆ ଭାରତ ଗସ୍ତ କରୁଛନ୍ତି। ରବିବାର ଦିନ ଏହି ଗ୍ରସ୍ତ ଆରମ୍ଭ କରିବେ ନେଦରଲାଣ୍ଡ ରାଜ ଦମ୍ପତି। ୧୪ ଅକ୍ଟୋବରରୁ ୧୮ ଅକ୍ଟୋବରର ଏହି ଗସ୍ତ ମଧ୍ୟରେ ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ଆର୍ଥିକ ଏବଂ ରାଜନୈତିକ ସହଯୋଗ ଉପରେ ଭାରତର ଶୀର୍ଷ ନେତୃତ୍ୱଙ୍କ ବୈଠକ କରିବେ। ୨୦୧୩ମସିହାରେ ରାଜ ସିଂହାସନ ସମ୍ଭାଳିବା ପରେ ରାଜା ୱିଲିୟମ-ଆଲେକଜାଣ୍ଡାରଙ୍କ ଏହା ପ୍ରଥମ  ଭାରତ ଗସ୍ତ ହେବ। ନେଦରଲାଣ୍ଡର ରାଜଦମ୍ପତିଙ୍କ ସହ ତାଙ୍କର କ୍ୟାବିନେଟର ଏକ ପ୍ରତିନିଧିମଣ୍ଡଳ ମଧ୍ୟ ଭାରତ ଆସିବେ।

    ରାଉରକେଲା ସରକାରୀ ହସ୍ପିଟାଲର ବିଭିନ୍ନ ୱାର୍ଡ ବୁଲି ଦେଖିଲେ ୫ଟି ସଚିବ ଭି.କେ.ପାଣ୍ଡିଆନ

    ୫ଟି ସଚିବ ଭି.କେ ପାଣ୍ଡିଆନ୍ ଓ ତାଙ୍କ ଟିମ୍ ଆଜି ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ପରିଦର୍ଶନରେ ଆସିଥିଲେ। ସେମାନେ ଡାକ୍ତରଖାନା ବୁଲିବା ସହିତ ରୋଗୀ ଓ ସେମାନଙ୍କ ସଂପର୍କୀୟଙ୍କ ସହିତ ଆଲୋଚନା କରିଥିଲେ। ଏହା ସହିତ ଡାକ୍ତରଖାନା କର୍ତ୍ତୃପକ୍ଷଙ୍କ ସହିତ ମଧ୍ୟ ଆଲୋଚନା କରିଥିଲେ। ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ଗସ୍ତ କରିବା ସହିତ ୫ଟି ସଚିବଙ୍କ ଟିମ୍ ରାଉରକେଲା ସରକାରୀ ହସ୍‌ପିଟାଲ୍‌ ମଧ୍ୟ ଗସ୍ତ କରିଥିଲେ। ଏହି ଟିମ୍ ବହୁ ସମୟ ଧରି ସେଠାରେ ରହିଥିଲେ ଓ ସ୍ଥିତି ସମୀକ୍ଷା କରିଥିଲେ।

    ଚୌଦ୍ବାରରେ ଏନ୍‌କାଉଣ୍ଟର  : କୁଖ୍ୟାତ ଅପରାଧୀ ଜିତୁ ଆହତ

    କଟକ ଚୌଦ୍ବାରରେ କମିସନରେଟ ପୋଲିସ ଏନ୍‌କାଉଣ୍ଟର କରିଛି। ଏହି  ଏନ୍‌କାଉଣ୍ଟରରେ କୁଖ୍ୟାତ ଅପରାଧୀ ଜିତୁ ଆହତ ହୋଇଛି। ତାକୁ ଗୁରୁତର ଅବସ୍ଥାରେ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି। ମିଳିଥିବା ସୂଚନା ଅନୁସାରେ ଜିତୁ ଚୌଦ୍ୱାର ନିକଟସ୍ଥ ଜଙ୍ଗଲରେ ଥିବା ଖବର ପାଇ ଆଜି ସକାଳେ ଚୌଦ୍ୱାର ପୁଲିସ୍‌ ଓ ସ୍ପେଶାଲ୍‌ ସ୍କ୍ୱାଡ୍‌ ତରଫରୁ ସେଠାରେ ଚଢ଼ଉ କରାଯାଇଥିଲା। ଚଢ଼ଉ ସମୟରେ ଜିତୁ ପୁଲିସ୍ ଉପରକୁ ଗୁଳି କରି ଫେରାର ହୋଇଯିବାକୁ ଉଦ୍ୟମ କରିଥିଲା। ତେବେ ପୁଲିସ୍ ଏହାର ପାଲଟା ଜବାବ ଦେଇଥିଲା। ପୁଲିସ୍ ଗୁଳିରେ ଜିତୁ ଆହତ ହୋଇଥିଲା ଓ ଧରାପଡ଼ିଥିଲା।

    ହରିୟାଣା ବିଧାନସଭା ପାଇଁ ବିଜେପିର ସଂକଳ୍ପ ପତ୍ର ‘ଆମ ସ୍ବପ୍ନର ହରିୟାଣା’ : ଗରିବ, ଚାଷୀ, ମହିଳାଙ୍କ ଉପରେ ପ୍ରାଧାନ୍ୟ

    ଭାରତୀୟ ଜନତା ପାର୍ଟି ହରିୟାଣା ବିଧାନସଭା ନିର୍ବାଚନ ପାଇଁ ନିଜର ସଂକଳ୍ପ ପତ୍ର ଜାରି କରିଛି। ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର, ବିଜେପିର ରାଷ୍ଟ୍ରୀୟ କାର୍ଯ୍ୟକାରୀ ଅଧ୍ୟକ୍ଷ ଜେପି ନଡ୍ଡା, ରାଜ୍ୟ ବିଜେପି ଅଧ୍ୟକ୍ଷ ସୁଭାଷ ବରାଲା, ହରିୟାଣା ପ୍ରଭାରୀ ଅନୀଲ ଜୈନ, କେନ୍ଦ୍ର ମନ୍ତ୍ରୀ ନରେନ୍ଦ୍ର ସିଂ ତୋମାର ଆଦି ଉପସ୍ଥିତ ଥିଲେ। ୩୨ ପୃଷ୍ଠାର ଏହି ଇସ୍ତାହାରକୁ ‘ଆମ ସ୍ବପ୍ନର ହରିୟାଣା’ ବୋଲି ନାମ ଦେଇଛି। ଏଥିରେ କୃଷକ, ଗରିବ, ଯୁବକ ଓ ଖେଳାଳିଙ୍କୁ ପ୍ରାଧାନ୍ୟ ଦିଆଯାଇଛି। ସେହିପରି ନାଗରିକ ସୁବିଧାକୁ ବୃଦ୍ଧି କରିବା ଉପରେ ଫୋକସ ରଖାଯାଇଛି।

    ଭିଏସ୍‌ଏସ୍‌ ନଗରରୁ ଯୁବକର ମୃତଦେହ ଉଦ୍ଧାର : ପ୍ରେମ ପାଇଁ ହତ୍ୟା ଅଭିଯୋଗ

    ରାଜଧାନୀ ଭୁବନେଶ୍ୱର ଭିଏସଏସ ନଗରର ଏକ ଘର ଭିତରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ପ୍ରେମ ପାଇଁ ତାଙ୍କୁ ହତ୍ୟା କରାଯାଇଥିବା ମୃତ ଯୁବକଙ୍କ ପରିବାର ଲୋକେ ଅଭିଯୋଗ କରିଛନ୍ତି। ସୂଚନାନୁସାରେ, ଭୁବନେଶ୍ୱରସ୍ଥିତ ଭିଏସଏସ ନଗରର ଏକ ଘରୁ ଦୁର୍ଗନ୍ଧ ବାହାରୁ ଥିବାରୁ ଆଜି ସ୍ଥାନୀୟ ଲୋକେ ସନ୍ଦେହ କରିଥିଲେ। ପୋଲିସ ଘଟଣାସ୍ଥଳରେ ପହଂଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି। ମୃତ ଯୁବକଜଣକ ହେଉଛନ୍ତି ନୟାଗଡ଼ ଜିଲ୍ଲା ସୁନାଖଳାର ଅବକାଶ ପାଇକରାୟ। ଭୁବନେଶ୍ୱରରେ ଥିବା ରାଜ୍ୟ ସଂଗ୍ରହାଳୟରେ ଅସ୍ଥାୟୀ ଚାକିରି କରୁଥିଲେ ଅବକାଶ।

    ଟ୍ରକ୍‌-କାର୍‌ ଧକ୍କା : ୫ ଗୁରୁତର

    ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଦମକଳ କେନ୍ଦ୍ର ନିକଟରେ ଏକ ମର୍ମନ୍ତୁଦ ଦୁର୍ଘଟଣା ହୋଇଛି । ଏକ କାର୍‌କୁ ଆଳୁ ବୋଝେଇ ଟ୍ରକ୍‌ ଧକ୍କା ଦେବାରୁ ୫ ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରେ ଡ୍ରାଇଭର ଓ ଅନ୍ୟମାନେ ଗୋଟିଏ ପରିବାର ସଦସ୍ୟ ରହିଛନ୍ତି । ସମସ୍ତଙ୍କୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସେମାନେ ସମସ୍ତେ ପଶ୍ଚିମବଙ୍ଗର ବୋଲି ଜଣାପଡ଼ିଛି ।  ତୁରନ୍ତ ଦମକଳ ବାହିନୀ ଘଟଣା ସ୍ଥଳରେ ପହଁଚି ସେମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛନ୍ତି। ଭଣ୍ଡାରିପୋଖରୀ ପୋଲିସ ସଂପୃକ୍ତ ଟ୍ରକ୍‌କୁ ଜବତ କରି ତଦନ୍ତ କରୁଛି ।

    ବିଭିନ୍ନ ଜୁଆ ଆଡ୍ଡାରେ ଚଢାଉ, ୮୦ ଜୁଆଡି ଗିରଫ

    ଆଜି ବ୍ରହ୍ମପୁର ପୋଲିସ କିଛି ଜୁଆ ଆଡ୍ଡାରେ ଚଢାଉ କରି ୬୮ଜଣଙ୍କୁ ଗିରଫ କରିଛି । ବ୍ରହ୍ମପୁର ସହରରେ ଅନେକ ଦିନ ଧରି ଜୁଆ ଆଡ୍ଡା ସକ୍ରିୟ ରହୁଥିବା ଖବର ଦେଖିବାକୁ ମିଳିଥିଲା । ପୋଲିସ ପକ୍ଷରୁ ଚଢାଉକୁ ଜୋରଦାର କରାଯାଇ ଅନେକ ଜୁଆଡିଙ୍କୁ ଗିରଫ କରାଯାଇଥିଲା । ଆଜି ମଧ୍ୟ ଟାଉନ ଥାନା ପୋଲିସ ୭ଟି ଜୁଆ ଆଡ୍ଡା ଉପରେ ଚଢାଉ କରିଛି । ଏହି ଚଢାଉ ବେଳେ ୬୮ଜଣଙ୍କୁ ଗିରଫ କରାଯିବା ସହ ନଗଦ ୨ଲକ୍ଷ ୪୫ହଜାର ୨୩୦ ଟଙ୍କା ଜବତ ହୋଇଛି । ଏହାସହ ୨୫ଟି ମୋବାଇଲ ମଧ୍ୟ ଜବତ ହୋଇଛି ।

    ଆଜି ନିର୍ବାଚନୀ ପ୍ରଚାର ମଇଦାନକୁ ଓହ୍ଲାଇବେ ମୋଦି ଓ ରାହୁଲ୍‌

    ହରିୟାଣା ଓ ମହାରାଷ୍ଟ୍ର ବିଧାନସଭା ନିର୍ବାଚନ ଆଜିକୁ ଆଉ ଆଠ ଦିନ ବାକି ରହିଲା ।  ଆଜି ବିଜେପି ତରଫରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କଂଗ୍ରେସ ନେତା ରାହୁଲ୍‌ ଗାନ୍ଧି ନିର୍ବାଚନୀ ପ୍ରଚାରକୁ ଓହ୍ଲାଇବେ । ପିଏମ୍‌ ମୋଦି ଆଜି ଦ୍ବିପ୍ରହର ୧୨ଟାରେ ଉତ୍ତର ମହାରାଷ୍ଟ୍ରର ଜଲଗାଓ୍ବଠାରେ ଏକ ରାଲିର ନିର୍ବାଚନୀ ପ୍ରଚାର ଆରମ୍ଭ କରିବେ । ପରେ ସନ୍ଧ୍ୟା ୪ ଘଟିକା ସମୟରେ ବିଦର୍ଭର ଭଣ୍ଡାରା ଝିଲ୍‌ଲାର ସକୋଲିଠାରେ ଆଉ ଏକ ଜନସଭାକୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି। ସେହିପରି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ୍‌ ଗାନ୍ଧି ଆଜି ମହାରାଷ୍ଟ୍ରର ଲାତୁରଠାରେ ପ୍ରଥମ ଜନସଭାକୁ ସମ୍ବୋଧିତ କରିବେ ।

    କାଶ୍ମୀର ପ୍ରସଙ୍ଗରେ କିଛି ବି ଆଲୋଚନା ହୋଇନି : ବିଜୟ ଗୋଖେଲ

    ଚାଇନା ରାଷ୍ଟ୍ରପତି ସି ଜିନପିଙ୍ଗ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ ହୋଇଥିବା ଅନୌପଚାରିକ ବୈଠକରେ କାଶ୍ମୀର ପ୍ରସଙ୍ଗ ଉଠିନି ବୋଲି କହିଛନ୍ତି ଭାରତୀୟ ବୈଦେଶିକ ସଚିବ ବିଜୟ ଗୋଖଲେ। ଆତଙ୍କବାଦକୁ ନେଇ ଆଲୋଚନା ହୋଇଥିବାବେଳେ କାଶ୍ମୀର ପ୍ରସଙ୍ଗକୁ ନେଇ କିଛି ଆଲୋଚନା ହୋଇନି ବୋଲି କହିଛନ୍ତି ବୈଦେଶିକ ସଚିବ। ସେହିପରି ଚୀନ୍‌ ରାଷ୍ଟ୍ରପତି ପରବର୍ତ୍ତୀ ବୈଠକ ପାଇଁ ଚୀନ୍‌ ଯିବାକୁ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିମନ୍ତ୍ରଣ ଜଣାଇଛନ୍ତି। ତେବେ ପ୍ରଧାନମନ୍ତ୍ରୀ କେବେ ଯିବେ, ଏହାନେଇ ତାରିଖ ପରେ ନିର୍ଦ୍ଧାରଣ ହେବ ବୋଲି ସୂଚନା ଦେଇଛନ୍ତି ବୈଦେଶିକ ସଚିବ।

    କଟକ ଏସ୍‌ସିବି ମେଡିକାଲ୍‌ର ତିନି ମହଲାରୁ ଡେଇଁ ରୋଗୀ ମୃତ

    କଟକ ଏସ୍‌ସିବି ମେଡିକାଲର ତିନି ମହଲାରୁ ଡେଇଁ ଶନିବାର ଜଣେ ରୋଗୀଙ୍କ ମୃତ୍ୟୁ ଘଟିଛି। ନୂଆ ମେଡିସିନ ବିଭାଗ ନିରାଶ୍ରୟ ଓ୍ବାର୍ଡ ତିନି ମହଲାରେ ଥିବା ଏକ ଝରକା ଗ୍ରୀଲ ତାଡ଼ି ଜଣେ ରୋଗୀ ଡେଇଁପଡ଼ିଥିବା ଅନୁମାନ କରାଯାଉଛି। ତେବେ ତାଙ୍କ ପରିଚୟ ମିଳି ନ ଥିବା ବେଳେ କାରଣ ଅସ୍ପଷ୍ଟ ରହିଛି।

    ବିଜେପିରୁ ଇସ୍ତଫା ଦେଲେ ଅଶୋକ ପାଣିଗ୍ରାହୀ

    ବିଜେପୁର ଉପନିର୍ବାଚନ ପୂର୍ବରୁ ବିଜେପିକୁ ଝଟ୍‌କା । ବିଜେପୁର ଇସ୍ତଫା ଦେଲେ ବିଜେପୁରର ବରିଷ୍ଠ ନେତା ଅଶୋକ ପାଣିଗାଗ୍ରହୀ । ୨୦୧୮ ଉପନିର୍ବାଚନରେ ବିଜେପୁରରୁ ବିଜେପିର ପ୍ରାର୍ଥୀ ଥିଲେ । ଦଳରେ ତାଙ୍କୁ ଅଣଦେଖା କରାଯାଉଥିବାର ଅଭିଯୋଗ କରି ସେ ବିଜେପିରୁ ଇସ୍ତଫା ଦେଇଛନ୍ତି । ଦଳରେ ତାଙ୍କୁ ଗୁରୁତ୍ବ ଦିଆଯାଇନଥିବା ତଥା ଅଣଦେଖା କରାଯାଇଥିବାରୁ ସେ ଏପରି ନିଷ୍ପତ୍ତି ନେଇଛନ୍ତି ବୋଲି କହିଛନ୍ତି ତେବେ । ଏପରିକି ତାଙ୍କ ନାମ ତାରକା ପ୍ରଚାରକରେ ମଧ୍ୟ ରଖାଯାଇନାହିଁ ବୋଲି ସେ କହିଛନଦ୍ତି । ଦଳର ପ୍ରାଥମିକ ସଦସ୍ୟରୁ ମଧ୍ୟ ଇସ୍ତଫା ଦେଇଛନ୍ତି ଅଶୋକ ପାଣିଗ୍ରାହୀ ।

    ବିଶ୍ବ ବକ୍ସିଂ ଚାମ୍ପିୟନ୍‌ସିପ୍‌ : ବ୍ରୋଞ୍ଜରେ ସନ୍ତୁଷ୍ଟ ମେରୀକମ୍‌

    ଭାରତୀୟ ବକ୍ସର ଏମ୍‌ ସି ମେରୀ କମ୍‌ ବିଶ୍ବ ବକ୍ସିଂ ଚାମ୍ପିୟନ୍‌ସିପ୍‌ ସେମିଫାଇନାଲ୍‌ରେ ପରାଜିତ ହୋଇଛନ୍ତି । ଏହା ସହିତ ମେରୀ ବ୍ରୋଞ୍ଜ ପଦକରେ ସନ୍ତୁଷ୍ଟ ରହିଛନ୍ତି । 51 କିଗ୍ରା ବର୍ଗରେ ତୃତୀୟ ସିଡ୍‌ ମେରୀ କମ୍‌ ତୁର୍କୀ ବକ୍ସର ବୁସେନାଜ୍‌ କାକିରୋଗୋଲୁଙ୍କ ନିକଟରୁ ପରାଜିତ ହୋଇଛନ୍ତି । ୟୁରୋପିଆନ୍‌ ଚାମ୍ପିୟନ୍ସିପ୍‌ ଏବଂ ୟୁରୋପିଆନ୍‌ ଗେମ୍ସ ସ୍ବର୍ଣ୍ଣ ପଦକ ବମିଜୟୀନି ବୁସେନାଜ୍‌ ଏହି ମ୍ୟାଚ୍‌ରେ 4-1ରେ ବିଜୟୀ ହୋଇଥିଲେ । ବିଶ୍ବ ଚାମ୍ପିୟନ୍‌ସିପ୍‌ରେ ଏହା ମେରୀଙ୍କର ଅଷ୍ଟମ ପଦକ ।

    ମାନସିକ ରୋଗୀଙ୍କ ପରି କାର୍ଯ୍ୟ କରୁଛନ୍ତି ଜଗନ : ଚନ୍ଦ୍ରବାବୁ ନାଇଡୁ

    ପୂର୍ବତନ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ୍‌ ଚନ୍ଦ୍ରବାବୁ ନାଇଡୁ ବର୍ତ୍ତମାନର ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କୁ ସମାଲୋଚନା କରିଛନ୍ତି । ଜଗନ ଜଣେ ମାନସିକ ରୋଗୀ ଭାବରେ କାର୍ଯ୍ୟ କରୁଛନ୍ତି ବୋଲି ନାଇଡୁ ଅଭିଯୋଗ କରିଛନ୍ତି । କ୍ଷମତାକୁ ଆସିବା ପରେ ବିକାଶ ପରିବର୍ତ୍ତେ ପ୍ରତିଶୋଧ ପରାୟଣତାର ରାଜନୀତିରେ ଲିପ୍ତ ରହିଛନ୍ତି ଜଗନ । ବିପକ୍ଷ ଦଳର ନେତା ଏପରିକି ସାଧାରଣ ଜନତା ଜଗନଙ୍କ ଏହି ବିକୃତ ମାନସିକତାର ଶିକାର ହେଉଛନ୍ତି । ମୁଁ ଅନେକ ମୁଖ୍ୟମନ୍ତ୍ରି ଦେଖିଛି ମାତ୍ର ଜଗନଙ୍କ ପରି କାହାକୁ ଦେଖିନାହିଁ । ଟିଡିପିର 500 କର୍ମୀଙ୍କୁ ବିଭିନ୍ନ ଜେଲ୍‌ରେ ଅଟକ ରଖାଯାଇଥିବା ନେଇ ନାଇଡୁ ଅଭିଯୋଗ କରିଛନ୍ତି ।

    ଲୋକସେବା ଭବନରେ ନିଆଁ

    ଲୋକସେବା ଭବନର କେୟାଟେକର ରୁମ୍‌ରେ ଅଗ୍ନିକାଣ୍ଡ ଘଟିଛି । ସକାଳ ପ୍ରାୟ ୯ଟା ବେଳେ ଏହି ନିଆଁ ଲାଗିଥିବାର ସୂଚନା ରହିଛି । ୪୫ ମିନିଟ୍‌ ଧରି ନିଆଁ ଜଳିବା ପରେ ଅଗ୍ନିଶମ ବାହିନୀ ଦ୍ବାରା ନିଆଁକୁ ଆୟତ୍ତ କରାଯାଇଛି । ତେବେ ଅଗ୍ନିକାଣ୍ଡର କାରଣ ଜଣାପଡିନଥିବାବେଳେ ଏଥିରେ ହୋଇଥିବା କ୍ଷୟକ୍ଷତି ମଧ୍ୟ କିଛି ଜଣାପଡିନାହିଁ ।

    ୟୁରୋ କପ୍‌ ଯୋଗ୍ୟତା ପର୍ଯ୍ୟାୟ : ଜିରୁଡ୍‌ଙ୍କ ଗୋଲ୍‌ରେ ଜିତିଲା ଫ୍ରାନ୍ସ

    ୟୁରୋ କପ୍‌ ଯୋଗ୍ୟତା ପର୍ଯ୍ୟାୟ ମ୍ୟାଚ୍‌ରେ ଆଇସ୍‌ଲ୍ୟାଣ୍ଡକୁ ପରାସ୍ତ କରିଛି ଫ୍ରାନ୍ସ । ଶୁକ୍ରବାର ରାତିରେ ଅନୁଷ୍ଠିତ ଏହି ମ୍ୟାଚ୍‌ରେ ଆଇସଲ୍ୟାଣ୍ଡକୁ 1-0 ଗୋଲ୍‌ରେ ପରାସ୍ତ କରିଛି ଫ୍ରାନ୍ସ । ଫ୍ରାନ୍ସ ପକ୍ଷରୁ ଓଲିଭର୍‌ ଜିରୁଡ୍‌ ଏକ ମାତ୍ର ଗୋଲ୍‌ ସ୍କୋର କରିଥିଲେ । ଏହି ବିଜୟ ସହିତ ଫ୍ରାନ୍ସ 18 ପଏଣ୍ଟ ସହିତ ଗ୍ରୁପ ଏଚ୍‌ର ଶୀର୍ଷରେ ପହଞ୍ଚିଛି । 90 ମିନିଟ୍‌ ପର୍ଯ୍ୟନ୍ତ ମ୍ୟାଚ୍‌ ଗୋଲ୍‌ଶୂନ୍ୟ ରହିଥିବା ବେଳେ ଅତିରିକ୍ତ ସମୟରେ ମିଳିଥିବା ପେନାଲ୍‌ଟି କର୍ଣ୍ଣରରେ ଗୋଲ୍‌ ସ୍କୋର କରି ଜିରୁଡ୍‌ ଫ୍ରାନ୍ସକୁ ବିଜୟୀ କରାଇଥିଲେ ।

    ରାଉରକେଲାରେ ଅନ୍‌ଲାଇନ୍‌ ଠକେଇ : ଲୁଟି ନେଲେ ୫୦ ହଜାର ଟଙ୍କା

    ରାଉରକେଲା ବିଶ୍ରା ଥାନା ଅଂଚଳରେ ଜଣେ ଯୁବତୀଙ୍କ ଆକାଉଣ୍ଟରୁ ଟଙ୍କା ହଡ଼ପ ହୋଇଯାଇଛି  । ଦୁର୍ବୃତ୍ତ ଅନ୍‌ଲାଇନରେ ପ୍ରାୟ ୫୦ ହଜାର ଟଙ୍କା ଲୁଟି ନେଇଛନ୍ତି। ଏ ନେଇ ସଂପୃକ୍ତା ଯୁବତୀ ବିଶ୍ରା ଥାନାରେ ଲିଖିତ ଅଭିଯୋଗ କରିଛନ୍ତି । ସୂଚନା ମୁତାବକ, ଅନୁସାରେ ଯୁବତୀ ଜଣକ ଅନ୍‌ଲାଇନ୍‌ରେ କିଛି ଜିନିଷ ମଗାଇଥିଲେ । ଏଥିପାଇଁ ସେ ପେଟିଏମ୍‌ ଜରିଆରେ ୟୁପିଆଇ ଆଇଡି ଦେଇ ପେମେଣ୍ଟ କରିଥିଲେ । କିନ୍ତୁ ତାଙ୍କ ଜିନିଷ ପହଁଚି ନ ଥିଲା । ତାଙ୍କ ଆକାଉଣ୍ଟରୁ ୩ ଥରରେ ୫୦ ହଜାର ଟଙ୍କା ହଡ଼ପ ହୋଇଥିବା ଜାଣିବାକୁ ପାଇଛନ୍ତି ।

    ପ୍ରଧାନମନ୍ତ୍ରୀ ମୋଦିଙ୍କ ବେଳାଭୂମି ସଫେଇ

    ଆଜି ତାମିଲନାଡୁ ମହାବଳିପୁରମ୍‌ଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବେଳାଭୂମି ସଫେଇ କରିଛନ୍ତି । ୩୦ ମିନିଟ୍‌ ଯାଏ ସମୁଦ୍ର କୂଳ ସଫେଇ କରିଛନ୍ତି ପ୍ରଧାନମନ୍ତ୍ରୀ । ଏହି ସଫେଇ ମାଧ୍ୟମରେ ସମାଜକୁ ସ୍ବଚ୍ଛତାର ବାର୍ତ୍ତା ଦେଇଛନ୍ତି । ବେଳାଭୂମିରୁ ପ୍ଲାଷ୍ଟିକ ଆବର୍ଜନା ଉଠାଇଛନ୍ତି ମୋଦି । ଗତକାଲି ଐତିହାସିକ ସହର ମହାବଳିପୁରମ୍‌ରେ ଚୀନ୍‌ର ରାଷ୍ଟ୍ରପତି ସି ଜିନପିଙ୍ଗଙ୍କ ଅନୌପଚାରିକ ସାକ୍ଷାତକାର ହୋଇଛି । ଆଜି ଦୁଇ ରାଷ୍ଟ୍ରର ମୁଖ୍ୟଙ୍କ ମଧ୍ୟରେ ଦ୍ବିପାକ୍ଷିକ ଆଲୋଚନା ହେଉଛି ।

    RIL chairman Mukesh Ambani in top 10 richest list globally

    ଫୋବର୍ସ 2019 ଶ୍ରେଷ୍ଠ ଭାରତୀୟ ତାଲିକାର ଏକ ନମ୍ବର ସ୍ଥାନରେ ମୁକେଶ ଅମ୍ବାନୀ

    କ୍ରମାଗତ 12 ତମ ବର୍ଷ ପାଇଁ ଶ୍ରଷ୍ଠ ଭାରତୀୟ ଧନୀ ତାଲିକାରେ ରହିଛନ୍ତି ମୁକେଶ ଅମ୍ବାନୀ । ଶୁକ୍ରବାର ଫୋବର୍ସ ପକ୍ଷରୁ ଏହି ତାଲିକା ପ୍ରକାଶ ପାଇଥିବା ବେଳେ ସମୁଦାୟ 51.4 ବିଲିୟନ୍‌ ଡଲାରର ସମ୍ପତ୍ତି ସହିତ ମୁକେଶ ଅମ୍ବାନୀ ଏହି ତାଲିକାର ପ୍ରଥମ ସ୍ଥାନରେ ରହିଛନ୍ତି । ଭାରତରେ ବିଭିନ୍ନ ବ୍ୟବସାୟୀଙ୍କ ସମ୍ପତ୍ତିରେ 8 ପ୍ରତିଶତ ହ୍ରାସ ପାଇଥିବା ବେଳେ ଦୁଇ ନମ୍ବର ସ୍ଥାନରେ ରହିଥିବା ଅଜୀମ୍‌ ପ୍ରେମ୍‌ଜୀ 17 ତମ ସ୍ଥାନକୁ ଖସି ଆସିଛନ୍ତି । 10 ନମ୍ବର ସ୍ଥାନରେ ରହିଥିବା ଗୌତମ ଅଦାନୀ 8ଟି ସ୍ଥାନ ଉପରକୁ ଉଠି 15.7 ବିଲିୟନ୍‌ ଡଲାର ସହିତ ଦୁଇ ନମ୍ବର ସ୍ଥାନରେ ପହଞ୍ଚିଛନ୍ତି ।

    ଛାତ୍ରଙ୍କ ଉପରେ ମାଡିଗଲା ହାଇଓ୍ବା : 1 ମୃତ, ଦୁଇ ଗୁରୁତର

    ଟ୍ୟୁସନ୍‌ ଯାଉଥିବା ସମୟରେ ହାଇବା ମାଡିଯିବାରୁ ଜଣେ ଛାତ୍ରଙ୍କ ପ୍ରାଣହାନି ଘଟିଥିବା ବେଳେ ଅନ୍ୟ ଦୁଇଜଣ ଗୁରୁତର ଭାବରେ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଚଛନ୍ତି । ପାରାଦୀପର ଫୁଲବେଲାରୀ ନିକଟରେ ଆଜି ସକାଳେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଟ୍ୟୁସନ୍‌ ଯାଉଥିବା ସ୍କୁଲ ଛାତ୍ରଙ୍କ ଉପରେ ଦ୍ରୁତ ଗତିରେ ଆସୁଥିବା ଏକ ହାଇୱା ମାଡ଼ିଗଲା । ଫଳରେ ଘଟଣାସ୍ଥଳରେ ଜଣେ ଛାତ୍ର ପ୍ରାଣ ହରାଇଥିବାବେଳେ 2 ଜଣ ଗୁରୁତର ହୋଇଛନ୍ତି । ଗୁରୁତର ଛାତ୍ରଦ୍ୱୟଙ୍କୁ କୁଜଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି ।

    ଦୁଇ ଝିଅଙ୍କ ସହିତ ଟ୍ରେନ୍‌ ସମ୍ମୁଖକୁ ଡେଇଁ ଆତ୍ମହତ୍ୟା ଉଦ୍ୟମ : ମା ମୃତ, ଦୁଇ ଝିଅ ସଙ୍କଟାପନ୍ନ

    ବ୍ରହ୍ମପୁର ରେଳ ଷ୍ଟେସନ ନିକଟରେ ଏକ କରୁଣ ଘଟଣା ଘଟିଛି । ନିଜର ଦୁଇ ଝିଅଙ୍କ ସହିତ ଟ୍ରେନ୍‌ ସମ୍ମୁଖକୁ ଡେଇଁ ଆତ୍ମହତ୍ୟଗା ଉଦ୍ୟମ କରିଛନ୍ତି ଜନୈକ ମହିଳା । ଘଟଣାରେ ମା ରମା ଭଞ୍ଜ ପ୍ରାଣ ହରାଇଥିବା ବେଳେ ଦୁଇ ଝିଅ ଗୁରୁତର ଭାବରେ ଆହତ ହୋଇଛନ୍ତି । ଜଣଙ୍କର ପାପୁଲି କଟି ଯାଇଥିବା ବେଳେ ଅନ୍ୟ ଜଣଙ୍କର ମୁଣ୍ଡରେ ଗଭୀର ଆଘାତ ଲାଗିଛି । ଉଭୟଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି ।

    ବିଜେପୁର ଉପ ନିର୍ବାଚନ : ପ୍ରଚାର ସମୟରେ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ୍‌ କଲେ ଧର୍ମେନ୍ଦ୍ର

    ବିଜେପୁର ଉପ ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି ବିଜେପିର କେନ୍ଦ୍ର ମନ୍ତ୍ରୀ ତଥା ଷ୍ଟାର କ୍ୟାମ୍ପେନର ଧର୍ମେନ୍ଦ୍ର ପ୍ରଧାନ । ଗାଇସିଲଟରେ ନିଜର ନିର୍ବାଚନୀ ସଭା ଅବସରରେ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ୍‌ କରିଛନ୍ତି ଧର୍ମେନ୍ଦ୍ର । ମୁଖ୍ୟମନ୍ତ୍ରୀ ବିଜେପୁର ବାସୀଙ୍କ ଦାୟିତ୍ବ ନେବେ ବୋଲି କହିଥିଲେ ମାତ୍ର କି ଦାୟିତ୍ବ ନେଲେ ବୋଲି ପ୍ରଶ୍ନ କରିଛନ୍ତି ଧର୍ମେନ୍ଦ୍ର । ମୁଖ୍ୟମନ୍ତ୍ରୀ ଚାହିଁଥିଲେ ହିଞ୍ଜିଳି ଆସନରୁ ମଧ୍ୟ ଇସ୍ତଫା ପ୍ରଦାନ କରି ପାରିଥାନ୍ତେ ବୋଲି କହିଛନ୍ତି ।

    ଖୋର୍ଦ୍ଧା ଜିଲ୍ଲାରୁ ବିପୁଳ ପରିମାଣର ବିସ୍ଫୋରକ ଜବତ

    ଖୋର୍ଦ୍ଧା ଜିଲ୍ଲାରୁ ବିପୁଳ ପରିମାଣର ବିସ୍ଫୋରକ ଜବତ କରାଯାଇଛି । ଖୋର୍ଦ୍ଧାର ପୋଡ଼ାଡିହ ଗ୍ରାମପଞ୍ଚାୟତର ଲେଖନପୁର ଗାଁରୁ ଲକ୍ଷାଧିକ ଟଙ୍କାର ବିସ୍ପୋରକ ଜବତ କରାଯାଇଛି । ଘଟଣାରେ ସମ୍ପୃକ୍ତ ବାଣ ପ୍ରସ୍ତୁତକାରୀ ଗୌରାଙ୍ଗ ପଟ୍ଟନାୟକଙ୍କୁ ପୁଲିସ୍ ଗିରଫ କରିଛି । ଦୀପାବଳି ପୂର୍ବରୁ ଲେଖନପୁର ଗାଁରେ ବେଆଇନ ଭାବେ ବାଣ ପ୍ରସ୍ତୁତ କରିବାପାଇଁ ବିସ୍ପୋରକ ସାମଗ୍ରୀ ମହଜୁଦ ଥିବା ଖବର ପାଇ ପୁଲିସ୍ ପକ୍ଷରୁ ଚଢାଉ କରାଯାଇଥିଲା । ଏହି ସମସ୍ତ ବିସ୍ପୋରକ ସାମଗ୍ରୀ ଶିବକାଶୀରୁ ଆସିଥିବା ଜଣାପଡ଼ିଛି ।

    ଇଥିଓପିଆ ପ୍ରଧାନମନ୍ତ୍ରୀ ଆବି ଅହମ୍ମଦ ଅଲୀଙ୍କୁ ନୋବେଲ ଶାନ୍ତି ପୁରସ୍କାର

    ନରଓ୍ବେର ନୋବେଲ କମିଟି ପକ୍ଷରୁ 2019 ବର୍ଷ ନିମନ୍ତେ ନୋବେଲ ଶାନ୍ତି ପୁରସ୍କାର ଘୋଷଣା କରାଯାଇଛି । ଚଳିତ ବର୍ଷ ପାଇଁ ଇଥିଓପିଆ ପ୍ରଧାନମନ୍ତ୍ରୀ ଆବି ଅହମଦ୍‌ ଅଲୀଙ୍କ ନାମ ନୋବେଲ ଶାନ୍ତି ପୁରସ୍କାର ନିମନ୍ତେ ଘୋଷଣା କରାଯାଇଛି । ଶୁକ୍ରବାର ଘୋଷଣା କରାଯାଇଥିବା ଏହି ତାଲିକାରେ ଆବି ଅହମ୍ମଦଙ୍କ ନାମ ଘୋଷଣା କରାଯାଇଛି । ପଡୋଶୀ ରାଷ୍ଟ୍ର ଏରିଟ୍ରି ସହିତ ସୀମାକୁ ନେଇ ଲାଗି ରହିଥିବା ଯୁଦ୍ଧ ସମାପ୍ତ କରିଥିବାରୁ ଆବି ଅହମ୍ମଦଙ୍କ ନାମ ଘୋଷଣା କରାଯାଇଛି । ଆସନ୍ତା ଡିସେମ୍ବର ମାସରେ ଓସ୍‌ଲୋରେ ଏହି ପୁରସ୍କାର ପ୍ରଦାନ କରାଯିବ ।

    ବ୍ରାଡମ୍ୟାନ୍‌ଙ୍କ ରେକର୍ଡ ଭାଙ୍ଗିଲେ କୋହଲି

    ଭାରତୀୟ ଅଧିନାୟକ ବିରାଟ କୋହଲି ଡନ୍‌ ବ୍ରାଡମ୍ୟାନ୍‌ଙ୍କ ରେକର୍ଡ ଭାଙ୍ଗିଛନ୍ତି । ଭାରତ ଦକ୍ଷିଣ ଆଫ୍ରିକା ମଧ୍ୟରେ ଅନୁଷ୍ଠିତ ଦ୍ବିତୀୟ ଟେଷ୍ଟରେ ବିରାଟ କୋହଲି 194 ରନ୍‌ରେ ଅପରାଜିତ ରହି ବ୍ୟଶଟିଂ କରୁଛନ୍ତି । ଏହି ଇନିଂସ ସହିତ କୋହଲି ଆଉ ଏକ ରେକର୍ଡ ବୁକ୍‌ରେ ନିଜର ନାମ ସାମିଲ କରିଛନ୍ତି । ଅଧିନାୟକ ଭାବରେ ସର୍ବାଧିକ 150 ରନ୍‌ ସ୍କୋର କରିବା ତାଲିକାରେ ବିରାଟ କୋହଲି ବ୍ରାଡମ୍ୟାନ୍‌ଙ୍କ ରେକର୍ଡ ଭାଙ୍ଗିଛନ୍ତି । ଅଧିନାୟକ ଭାବରେ ବ୍ରାଡମ୍ୟାନ୍‌ 8 ଥର 150 ରନ୍‌ ସ୍କୋର କରିଥିବା ବେଳେ କୋହଲି 9 ଥର 150ରୁ ଅଧିକ ରନ୍‌ ସ୍କୋର କରିବାରେ ସଫଳ ହୋଇଛନ୍ତି ।

    ବିଜେପୁରରେ ଭୋଟ ହାର କମିବା ନେଇ ପ୍ରମିଳାଙ୍କ ପୂର୍ବାନୂମାନ

    ବିଜେପୁର ଉପ ନିର୍ବାଚନକୁ ନେଇ ମତ ରଖିଛନ୍ତି ବିଜେଡିର ବରିଷ୍ଠ ନେତ୍ରୀ ପ୍ରମିଳା ମଲ୍ଲିକ । ବିଜେପୁରରେ ଏବେ ଚାଲିଛି ହାଇଭୋଲଟେଜ୍‌ ପ୍ରଚାର ଚାଲିଥିବା ବେଳେ ବିଜେଡିର ଭୋଟ କମିବା ନେଇ ପୂର୍ବାନୁମାନ ଲଗାଇଛନ୍ତି ପ୍ରମିଳା ମଲ୍ଲିକ । ଦଳର ମୁଖ୍ୟ ସଚେତକ ରହିଥିବା ମଲ୍ଲିକ 22 ହଜାର ଭୋଟ କମିବ ମାତ୍ର ଦଳ 35 ହଜାରରୁ ଅଧିକ ବ୍ୟବଧାନରେ ଜିତିବବୋଲି ପ୍ରମିଳା ଦୃଢୋକ୍ତି ପ୍ରକାଶ କରିଛନ୍ତି । ଧର୍ମେନ୍ଦ୍ର ପ୍ରଧାନଙ୍କୁ ଟାର୍ଗେଟ୍‌ କରି ପ୍ରମିଳା କହିଛନ୍ତି ସେ ଯେତେ ପ୍ରଚାର କଲେ ବି କିଛି ଫରକ୍‌ ପଡ଼ିବନି ।

    23 ଲକ୍ଷ ଟଙ୍କା ହଡପ ଅଭିଯୋଗ : ସରପଞ୍ଚ ଗିରଫ

    କେନ୍ଦୁଝର ସରକାରୀ ଅର୍ଥ 23 ଲକ୍ଷ ଟଙ୍କା ହଡ଼ପ ଅଭିଯୋଗରେ ଜଣେ ସରପଞ୍ଚ ଗିରଫ ହୋଇଛନ୍ତି । ଏହି ଘଟଣାର ଅନ୍ୟତମ ଅଭିଯୁକ୍ତ ପଞ୍ଚାୟତ ନିର୍ବାହୀ ଅଧିକାରୀ ଫେରାର ହୋଇଯାଇଛନ୍ତି । ଗ୍ରାମ୍ୟ ଉନ୍ନୟନ ପାଇଁ ଆସିଥିବା ଏହି ଅର୍ଥକୁ ଆତ୍ମସାତ କରାଯାଇଥିବାର ଅଭିଯୋଗ ଆସିବା ପରେ ଘଟଗାଁ ଥାନାରେ ବିଡ଼ିଓ ଅଭିଯୋଗ କରିଥିଲେ । ପିପିଳିଆ ପଞ୍ଚାୟତର ସରପଞ୍ଚ ଉପେନ୍ଦ୍ର ନାୟକଙ୍କୁ ଘଟଗାଁ ଥାନା ଗିରଫ କରିଛି । ଘଟଣାର ଅନ୍ୟତମ ଅଭିଯୁକ୍ତ ପଞ୍ଚାୟତ ନିର୍ବାହୀ ଅଧିକାରୀ ଫେରାର ହୋଇଥିବା ସୂଚନା ମିଳିଛି ।

    ଚୌଧୁରୀ ଚିନି କଳ ମାମଲାରେ ପୁନର୍ବାର ଗିରଫ ହେଲେ ନଓ୍ବାଜ ସରିଫ

    ପୂର୍ବତନ ପାକିସ୍ତାନ ପ୍ରଧାନମନ୍ତ୍ରୀ ନଓ୍ବାଜ ଶରିଫ୍‌ ପୁନର୍ବାର ଗିରଫ ହୋଇଛନ୍ତି । ଚୌଧୁରୀ ଚିନି କଳ ଦୁର୍ନୀତି ମାମଲାରେ ଗିରଫ ହେବା ସହିତ ନଓ୍ବାଜଙ୍କୁ 14 ଦିନିଆ ରିମାଣ୍ଡରେ ନେବାକୁ ଶୁକ୍ରବାର କୋର୍ଟ ନିର୍ଦ୍ଦେଶ ଦେଇଛନ୍ତି । କୋର୍ଟଙ୍କ ରାୟ ପ୍ରକାଶିତ ହେବା ପରେ ଶରିଫ୍‌ଙ୍କୁ ଲାହୋର ସ୍ଥିତ ଜେଲକୁ ପଠାଯାଇଛି । ଚିନି କଳର ଅଂଶଧନ ବିକ୍ରିରେ ଶରିଫ୍‌ ପରିବାରର ସମ୍ପୃକ୍ତି ନେଇ ଅଭିଯୋଗ ଆସିଥିଲା । ନଓ୍ବାଜଙ୍କ ଝିଅ ମରିୟମଙ୍କ ନିକଟରେ ଏହି କମ୍ପାନୀର 1.2 କୋଟି ଅଂଶଧନ ରହିଛି ।

    ଡେଙ୍ଗୁ ଅଭିଯାନ ପାଇଁ ସେହ୍ବାଗଙ୍କୁ ଅଭିନନ୍ଦନ ଜଣାଇଲେ କେଜ୍ରିଓ୍ବାଲ

    ଦିଲ୍ଲୀ ସରକାରଙ୍କ ଡେଙ୍ଗୁ ଅଭିଯାନରେ ସହାୟତା କାରଣରୁ କ୍ରିକେଟର ବୀରେନ୍ଦ୍ର ସେହ୍ବାଗଙ୍କୁ ଧନ୍ୟବାଦ ଜଣାଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ। ବିଗତ 6 ମାସ ହେବ ପୂର୍ବତନ ଭାରତୀୟ କ୍ରିକେଟର ବୀରେନ୍ଦ୍ର ସେହ୍ବାଗ ଏହି ଅଭିଯାନର ଅଂଶ ହେବା ସହିତ ଜନ ସାଧାରଣଙ୍କ ମଧ୍ୟରେ ସଚେତନତା ସୃଷ୍ଟିର ଉଦ୍ୟମ କରୁଛନ୍ତି । ସେହ୍ବାଗଙ୍କ ଏହି ଉଦ୍ୟମ କାରଣରୁ କେଜ୍ରିଓ୍ବାଲ ଶୁକ୍ରବାର ଦିନ ଟ୍ବିଟ୍ଟର ଜରିଆରେ ଧନ୍ୟବାଦ ଜ୍ଞାପନ କରିଛନ୍ତି ।

    କୋହଲିଙ୍କ ଶତକ : ଚା‘ପାନ ବିରତି ସୁଦ୍ଧା ଭାରତ 356/3

    ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଅନୁଷ୍ଠିତ ଦ୍ବିତୀୟ ଟେଷ୍ଟ ମ୍ୟାଚ୍‌ରେ ଭାରତ ଦୃଢ ସ୍ଥିତିରେ ରହିଛି । ଭାରତ ପକ୍ଷରୁ ଅଧିନାୟକ ବିରାଟ କୋହଲି ଶତକ ହାସଲ କରି ବ୍ୟାଟିଂ କରୁଥିବା ବେଳେ ଦଳ ତିନି ଓ୍ବିକେଟ ବିନିମୟରେ 356 ରନ୍‌ ସଂଗ୍ରହ କରିଛି । ପ୍ରଥମ ଦିନରେ ମୟଙ୍କ ଅଗ୍ରଓ୍ବାଲଙ୍କ ଶତକ ସହାୟତାରେ ଭାରତ 273/3 ସଂଗ୍ରହ କରିଥିବା ବେଳେ ଦିନର ଆରମ୍ଭରୁ ରାହାଣେ ଏବଂ କୋହଲି ସତର୍କତାର ସହିତ ବ୍ୟାଟିଂ କରିଥିଲେ । କୋହଲି 183 ବଲ୍‌ର ସମ୍ମୁଖୀନ ହୋଇ 16 ଚୌକା ସହାୟତାରେ 103 ରନ୍‌ ସଂଗ୍ରହ କରିଛନ୍ତି ।

    ଶୋଇଥିବା ବେଳେ ଚଢିଗଲା ବସ୍‌ : ଦୁର୍ଘଟଣାରେ 7 ତୀର୍ଥଯାତ୍ରୀ ମୃତ

    ଉତ୍ତର ପ୍ରଦେଶରେ ଏକ ମର୍ମନ୍ତୁଦ ଦୁର୍ଘଟଣାରେ 7 ଜଣ ତୀର୍ଥଯାତ୍ରୀଙ୍କର ପ୍ରାଣହାନି ଘଟିଛି । ଗୁରୁବାର ବିଳମ୍ବିତ ରାତିରେ ଉତ୍ତର ପ୍ରଦେଶର ନରୋରାରେ ଏହି ଦୁର୍ଘଟଣା ଘଟିଛି । ଏକ ବସ୍‌ ଧକ୍କା ଦେବାରୁ 4 ଜଣ ମହିଳା ଏବଂ ତିନି ଜଣ ଯୁବତୀଙ୍କ ପ୍ରାଣହାନି ଘଟିଥିବା ନେଇ ପୋଲିସ୍‌ କମିସନର ସନ୍ତୋଷ କୁମାର ସୂଚନା ଦେଇଛନ୍ତି । ଏହି ତୀର୍ଥଯାତ୍ରୀ ମାନେ ବୈଷ୍ଣୋଦେବୀରୁ ଫେରୁଥିବା ବେଳେ ରାସ୍ତାର ଅନ୍ୟ ପାର୍ଶ୍ବରେ ଶୋଇଥିଲେ । ଏହି ସମୟରେ ବସ୍‌ ମାଡିଯିବାରୁ 7 ଜଣଙ୍କ ଦେହାନ୍ତ ହୋଇଥିଲା ।

    ଅର୍ଥ ହେରଫେର ମାମଲାରେ ରାନବାକ୍ସି ପ୍ରମୋଟର ଗିରଫ

    ରାନବାକ୍ସି ପ୍ରମୋଟର ଶିବିନ୍ଦର ସିଂ ଏବଂ ମାଲବିନ୍ଦର ସିଂଙ୍କୁ ଗିରଫ କରାଯାଇଛି । 740 କୋଟିର ଅର୍ଥ ହେରଫେର ମାମଲାରେ ଏହି ରାନବାକ୍ସିର ଦୁଇ ପୂର୍ବତନ ପ୍ରମୋଟରଙ୍କୁ ଗିରଫ କରାଯାଇଛି । ଅଗଷ୍ଟ ମାସରେ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଉଭୟଙ୍କ ବିରୋଧରେ ମାମଲା ରୁଜୁ କରାଯାଇଥିଲା । ଉଭୟଙ୍କୁ ପଞ୍ଜାବର ଲୁଧିଆନା ସ୍ଥିତ ବାସଭବନରୁ ଇଡି ପକ୍ଷରୁ ଗିରଫ କରାଯାଇଛି । ଜାପାନିଜ୍‌ ଫାର୍ମ ଡାଇଚି ସାଙ୍କ୍ୟୋକୁ ରାନବାକ୍ସି ବିକ୍ରୟ କରିବା ସମୟରେ ଏହି ଦୁଇ ଜଣ 740 କୋଟି ଟଙ୍କାର ଅର୍ଥ ହେରଫେର କରିଥିବାର ଅଭିଯୋଗ ଆସିଥିଲା ।

    50ଟି ରେଳ ଷ୍ଟେସନ୍‌ ଏବଂ 150ଟି ଟ୍ରେନ୍‌ ଘରୋଇକରଣ ଯୋଜନା

    ଭାରତର ପ୍ରଥମ ଘରୋଇ ଟ୍ରେନ୍‌ ତେଜସ୍‌ ଏକ୍ସପ୍ରେସ୍‌ର ସଫଳତା ପରେ କେନ୍ଦ୍ର ସରକାର ଅଧିକ ଟ୍ରେନ୍‌ର ଘରୋଇକରଣ କରିବାର ନିଷ୍ପତ୍ତି ନେଇଛନ୍ତି । ସୂଚନା ଅନୁସାରେ ସରକାର 50 ଟି ରେଳ ଷ୍ଟେସନ୍‌ ଏବଂ 150ଟି ଟ୍ରେନ୍‌ର ଘରୋଇକରଣ ପ୍ରସ୍ତାବ ଉପରେ ବିଚାର କରୁଛନ୍ତି । ଏହି ବ୍ୟବସ୍ଥାକୁ କାର୍ଯ୍ୟକାରୀ କରିବା ନିମନ୍ତେ ଏକ ସଚିବ ଦଳ ଗଠନ କରିବା ନେଇ ସରକାର ପ୍ରସ୍ତାବ ରଖିଥିବା ଜଣାପଡିଛି । ନୀତି ଆୟୋଗ ସିଇଓ ଅମିତାଭ କାନ୍ତ ଭାରତୀୟ ରେଳବାଇର ଚେୟାରମ୍ୟାନ୍‌ ଭି କେ ଯାଦବଙ୍କୁ ଚିଠି ଲେଖି ଏହି ପ୍ରସ୍ତାବ ଦେଇଛନ୍ତି

    ବିଜେପୁରରେ ଆଜି ପ୍ରଚାର କରିବେ ଧର୍ମେନ୍ଦ୍ର

    ବିଜେପୁର ଉପ ନିର୍ବାଚନ ପାଇଁ ରାଜନୀତି ସରଗରମ ହେଉଥିବା ବେଳେ ଆଜି ବିଜେପିର ଷ୍ଟାର ପ୍ରଚାରକ ତଥା କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜେପୁରରେ ପ୍ରଚାର କରିବେ ବୋଲି ଜଣା ପଡିଛି । ବିଜେପୁରର ଗାଇସିଲଟ ବ୍ଲକର ତଳପାଲି ଓ ବରପାଲି ବ୍ଲକର ଅଗଲପୁରରେ ଦଳୀୟ ପ୍ରାର୍ଥୀ ସନତ ଗଡ଼ତିଆଙ୍କ ପାଇଁ ସେ ପ୍ରଚାର କରିବେ । ଏହୋ ସହିତ ଏହି ଦୁଇ ପ୍ରଚାର କାର୍ଯ୍ୟକ୍ରମ ବ୍ୟତୀତ ଧର୍ମେନ୍ଦ୍ର ଏକ ରୋଡ ଶୋ କରିବେ ବୋଲି ମଧ୍ୟ ଜଣାପଡିଛି ।

    jua

    ବେଟିଂ ରାକେଟ୍‌ ଠାବ : 15 ଜୁଆଡିଙ୍କ ସମେତ 7 ଲକ୍ଷ ଟଙ୍କା ଜବତ

    ବ୍ରହ୍ମପୁର ପୋଲିସ୍‌କୁ ମିଳିଛି ବଡ ସଫଳତା । ବିଗତ କିଛି ମାସ ହେବ ଜୁଆଡିଙ୍କ ଦୌରାତ୍ମ୍ୟ ବଢିଥିବା ବେଳେ ଆଜି ବ୍ରହ୍ମପୁର ପୋଲିସ୍‌ 15 ଜଣ ଜୁଆଡିଙ୍କୁ ଗିରଫ କରିଛି । 15 ଜଣ ଜୁଆଡିଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ 7 ଲକ୍ଷ 68 ହଜାର ଟଙ୍କା ଜବତ କରିଛି । ଏହା ସହିତ ଜୁଆଡି ମାନଙ୍କ ନିକଟରୁ 16ଟି ମୋବାଇଲ୍‌ ଫୋନ୍‌ ଏବଂ 5ଟି ବାଇକ୍‌ ମଧ୍ୟ ଜବତ କରାଯାଇଛି । ଘଟଣାରେ ସମ୍ପୃକ୍ତ ଅନ୍ୟ ଅଭିଯୁକ୍ତ ମାନଙ୍କ ସନ୍ଧାନ ଜାରି ରଖିଛି ପୋଲିସ୍‌ ।

    ଜାନୁୟାରୀ 1ରୁ ସୁରତ ଭୁବନେଶ୍ବର ବିମାନ ଚଳାଚଳ

    ଆସନ୍ତା ନୂଆବର୍ଷ ତଥା ଜାନୁୟାରୀ 1 ତାରିଖରୁ ସୁରତ ଏବଂ ଭୁବନେଶ୍ବର ମଧ୍ୟରେ ବିମାନ ଚଳାଚଳ ହେବ ବୋଲି ଜଣାପଡିଛି । ଏୟାର ଇଣ୍ଡିଆର ଏହି ବିମାନଟି ସପ୍ତାହକୁ ତିନି ଦିନ ଯାତ୍ରା କରିବ ବୋଲି ଜଣାପଡିଛି । ଭୁମବନେଶ୍ବର ସାଂସଦ ଅପରାଜିତା ଷଡଙ୍ଗୀ ବିମାନ ଚଳାଚଳ ନେଇ ଟ୍ବିଟ୍‌ କରି ସୂଚନା ଦେଇଛନ୍ତି । ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ମଧ୍ୟ ଏ ନେଇ ଟ୍ବିଟ୍‌ କରାଯାଇଛି ।

    Gold smuggling: Govt seeks enhanced vigilance by Customs

    ରାଉରକେଲାରୁ 11 କିଗ୍ରା ସୁନା ଜବତ

    ରାଉରକେଲାରୁ 11 କିଗ୍ରା ସୁନା ଜବତ କରାଯାଇଛି । କେନ୍ଦ୍ରୀୟ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ଟ୍ରେନ୍‌ରୁ ଏହି ସୁନା ଜବତ କରାଯାଇଛି । ପ୍ରାପ୍ତ ସୂଚନା ମୁତାବକ ସମୁଦାୟ 110 ଖଣ୍ଡ ସୁନା ପ୍ଲେଟ୍‌ ଜବତ କରାଯାଇଛି । ରାଜଗାଙ୍ଗପୁର-ଝାରସୁଗୁଡା ମଧ୍ୟରେ ଚଢାଉ କରାଯାଇ ହାଓଡାରୁ ମୁମ୍ବାଇ ଯାଉଥିବା ଜ୍ଞାନେଶ୍ବରୀ ଏକ୍ସପ୍ରେସ୍‌ରୁ ଏହି ସୁନା ଜବତ କରାଯିବା ସହିତ ଜଣଙ୍କୁ ଗିରଫ କରାଯାଇଛି । ଜବତ ସୂନାର ମୂଲ୍ୟ ପ୍ରାୟ 4 କୋଟି ଟଙ୍କା ହେବ ବୋଲି ଜଣାପଡିଛି ।

    ବକ୍ସିଂ ମହିଳା ବିଶ୍ବ ଚାମ୍ପିୟନ୍‌ସିପ୍‌ : ସେମିରେ ମେରୀକମ୍‌

    ମହିଳା ବିଶ୍ବ ବକ୍ସିଂ ଚାମ୍ପିୟନ୍‌ସିପ୍‌ର ସେମିରେ ପ୍ରବେଶ କରିଛନ୍ତି ଏମ୍‌ ସି ମେରୀକମ୍‌। ମେରୀକମ୍‌ 51 କିଗ୍ରା ବର୍ଗରେ ସେମି ଫାଇନାଲ୍‌ରେ ପ୍ରବେଶ କରିବା ସହିତ ଭାରତ ପାଇଁ ଏକ ପଦକ ସୁନିଶ୍ଚିତ କରିଛନ୍ତି ମଣିପୁରୀ ବକ୍ସର ଏମ୍‌ସି ମେରୀକମ୍‌। କଲମ୍ବିଆର ଇଙ୍ଗ୍ରିଟ୍‌ ଭାଲେନ୍ସିଆଙ୍କୁ 5-0ରେ ପରାସ୍ତ କରି ସେମିରେ ପହଞ୍ଚିଛନ୍ତି ମେରୀ କମ୍‌। ଏହା ସହିତ ମେରୀ ବିଶ୍ବ ଚାମ୍ପିୟନ୍‌ସିପ୍‌ରେ ନିଜର ଅଷ୍ଟମ ପଦକ ତଥା ସପ୍ତମ ସ୍ବର୍ଣ୍ଣ ପଦକ ଆଶାରେ ରହିଛନ୍ତି। ଅନ୍ୟ ଭାରତୀୟ ଖେଳାଳି କବିତା(81 କିଗ୍ରା), ମଞ୍ଜୁ ରାଣୀ(48 କିଗ୍ରା), ଜମୁନ୍‌ ବୋରୋ(54 କିଗ୍ରା), ଲୋଭିନା ବୋର୍ଗୋହେଁ(69 କିଗ୍ରା ଏହି ଟୁର୍ଣ୍ଣାମେଣ୍ଟର କ୍ବାର୍ଟରରେ ପ୍ରବେଶ କରିଛନ୍ତି।

    ବିଜେପିରେ ଅବହେଳିତ ହେଉଥିବା ଅଭିଯୋଗ କଲେ ଅଶୋକ ପାଣିଗ୍ରାହୀ

    ବିଜେପୁର ଭୋଟ ଗ୍ରହଣ ପୂର୍ବରୁ ମୁହଁ ଖୋଲିଛନ୍ତ ବିଜେପି ନେତା ଅଶୋକ ପାଣିଗ୍ରାହୀ। ଆଜି ସେ ଦଳ ଉପର ଅସନ୍ତୋଷ ପ୍ରକାଶ କରିଛନ୍ତି । “ ଦଳ ମୋତେ ଅଣଦେଖା କରୁଛି। କୌଣସି ଦାୟିତ୍ୱ ଦେଉନାହିଁ”, ସାଧାରଣ ନିର୍ବାଚନରେ ମୋତେ କୌଣସି ଦାୟିତ୍ୱ ମିଳିନଥିଲା । ଦଳ ବୋଧେ ମୋତେ ବିଶ୍ୱାସ କରୁନାହିଁ । ଏଥିପାଇଁ ମୁଁ ସନ୍ଦେହରେ ପଡ଼ି ଯାଇଛି ବୋଲି ଅଶୋକ କହିଛନ୍ତି । ସେହିପରି ଦଳଛାଡିବା ପ୍ରସଙ୍ଗକୁ ଗୁଜବ ବୋଲି କହିଛନ୍ତି । ଦଳରେ ଯାହା ଦାୟିତ୍ବ ପ୍ରଦାନ କରାଗଲେ ମୁଁ କରିବା ପାଇଁ ପ୍ରସ୍ତୁତ ବୋଲି ପାଣିଗ୍ରାହୀ ପ୍ରକାଶ କରିଛନ୍ତି ।

    ପର୍ଯ୍ୟଟକଙ୍କ ପାଇଁ ଖୋଲିଲା କାଶ୍ମୀର

    ଜମ୍ମୁ କାଶ୍ମୀର ପର୍ଯ୍ୟଟକଙ୍କ ପାଇଁ ଖୋଲିଛି । ଧାରା 370 ଉଚ୍ଛେଦ ପରଠାରୁ ପ୍ରଥମ ଥର ପାଇଁ ଗୁରୁବାର ସୁରକ୍ଷା ବ୍ୟବସ୍ଥାରେ ହ୍ରାସ କରାଯିବା ସହିତ ପର୍ଯ୍ୟଟକଙ୍କ ପାଇଁ ଜମ୍ମୁ କାଶ୍ମୀର ସମ୍ପୂର୍ଣ୍ଣ ଭାବରେ ଖୋଲାଯାଇଛି । ଅଗଷ୍ଟ ଦୁଇ ତାରିଖରୁ ସୁରକ୍ଷା କଟକଣା ଜାରି କରାଯିବା ସହିତ ଅମରନାଥ ଯାତ୍ରୀଙ୍କୁ ଫେରାଇ ଅଣାଯାଇଥିଲା । ଏହାର ତିନିଦିନ ପରେ ଉପତ୍ୟାକାରୁ ଧାରା 370 ଉଚ୍ଛେଦ କରାଯାଇଥିଲା । ଏହାପରେ ବିଭିନ୍ନ ରାଜନେତାଙ୍କୁ ଗୃହବନ୍ଦୀ କରି ରଖାଯିବା ସହିତ ପର୍ଯ୍ୟଟକଙ୍କ ଉପରେ ମଧ୍ୟ କଟକଣା ଜାରି କରାଯାଇଥିଲା ।

    ଶିବସେନାକୁ ଝଟ୍‌କା : ବିଧାନସଭା ନିର୍ବାଚନ ପୂର୍ବରୁ 26 ନେତାଙ୍କ ଇସ୍ତଫା

    ମହାରାଷ୍ଟ୍ର ବିଧାନସଭା ନିର୍ବାଚନ ପୂର୍ବରୁ ଶିବସେନାକୁ ବଡ ଝଟକା ଲାଗିଛି । ଦଳର 26 ଜଣ ନେତାଙ୍କ ସହ 300 କାର୍ଯ୍ୟକର୍ତା ଇସ୍ତଫା ଦେଇଛନ୍ତି । ଟିକେଟ୍ ଆବଣ୍ଟନରେ ଅସନ୍ତୋଷ ପ୍ରକାଶ କରି ଏହି ନେତା ଓ କର୍ମୀମାନେ ଦଳ ଛାଡିବା ସହ ମୁଖ୍ୟ ଉଦ୍ଧବ ଠାକରେଙ୍କୁ ନିଜର ଇସ୍ତଫାପତ୍ର ପ୍ରଦାନ କରିଛନ୍ତି । ଅକ୍ଟୋବର ୨୧ରୁ ମତଦାନ ହେବାକୁ ଥିବା ବେଳେ କର୍ମୀଙ୍କ ଇସ୍ତଫା ଶିବସେନାକୁ ଅଡୁଆରେ ପକାଇ ପାରେ । ଉଦ୍ଧବ ଠାକରେଙ୍କ ଶିବସେନା ଭାରତୀୟ ଜନତା ପାର୍ଟି ସହ ମେଣ୍ଟ କରିବା ସହିତ 124 ଆସନରେ ପ୍ରତିଦ୍ବନ୍ଦିତା କରୁଥିବା ବେଳେ ବିଜେପି 150 ଆସନରେ ପ୍ରତିଦ୍ବନ୍ଦିତା କରୁଛି ।

    ଭାରତ-ଦ. ଆଫ୍ରିକା ଦ୍ବିତୀୟ ଟେଷ୍ଟ ଆରମ୍ଭ : ଟସ୍‌ ଜିତି ଭାରତର ବ୍ୟାଟିଂ ନିଷ୍ପତ୍ତି

    ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରୁ ଅନୁଷ୍ଠିତ ଟେଷ୍ଟ ସିରିଜ୍‌ର ଦ୍ବିତୀୟ ମ୍ୟାଚ୍‌ ଆଜିଠାରୁ ଆରମ୍ଭ ହୋଇଛି । ପୁନେର ଏମ୍‌ସିଏ ଷ୍ଟାଡିୟମରେ ଅନୁଷ୍ଠିତ ଏହି ମ୍ୟାଚ୍‌ରେ ଭାରତ ଟସ୍‌ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇଛି । ଭାରତ ପ୍ରଥମେ ବ୍ୟାଟିଂ କରି 16 ଓଭର ଶେଷ ସୁଦ୍ଧା 1 ଓ୍ବିକେଟ ବିନିମୟରେ 53 ରନ୍‌ ସଂଗ୍ରହ କରିଛି । ଗତ ମ୍ୟାଚ୍‌ର ଶତକ ହାସଲକାରୀ ରୋହିତ ଶର୍ମା ମାତ୍ର 14 ରନ୍‌ କରି ରବାଡାଙ୍କ ଶିକାର ହୋଇଥିବା ବେଳେ ମୟଙ୍କ ଅଗ୍ରଓ୍ବାଲ 26 ରନ୍‌ କରି ବ୍ୟାଟିଂ କରୁଛନ୍ତି ।

    ମହିଳା ପର୍ଯ୍ୟଟକଙ୍କୁ ଉଦ୍ଧାର କଲା ଲାଇଫ୍‌ଗାର୍ଡ

    ପୁରୀ ସମୁଦ୍ର ବେଳାଭୂମିରେ ଭାସି ଯାଉଥିବା ଜଣେ ମହିଳାଙ୍କୁ ଲାଇଫ୍‌ଗାର୍ଡ ପକ୍ଷରୁ ଉଦ୍ଧାର କରାଯାଇଛି । ଲାଇଫ୍‌ ଗାର୍ଡ ପକ୍ଷରୁ ଉଦ୍ଧାର କରାଯାଇଥିବା ମହିଳାଙ୍କ ନାମ ଲୀଳାବତୀ ସାହୁ । ସେ ଭଦ୍ରକ ତିହିଡି ଅଞ୍ଚଳର ଲୀଳାବତୀ ପୁରୀ ଭ୍ରମଣ ପାଇଁ ଆସିଥିବା ବେଳେ ଦକ୍ଷିଣ ସ୍ୱର୍ଗଦ୍ୱାର ବେଳାଭୂମିରେ ପରିବାର ଲୋକଙ୍କ ସହିତ ସମୁଦ୍ରରେ ଗାଧୋଉଥିଲେ । ଜୁଆର କାରଣରୁ ଭାସି ଯାଉଥିବା ବେଳେ ତୁରନ୍ତ ଦୁଇ ଜଣ ଲାଇଫ୍‌ଗାର୍ଡ କର୍ମଚାରୀ ଜି. ଚକ୍ରଧର ଓ କେ. ଅଜିତ ପାଣିକୁ ଡେଇଁ ଲୀଳାବତୀଙ୍କୁ ଉଦ୍ଧାର କରିଥିଲେ ।

    ଛତିଶଗଡରେ ମାଓବାଦୀଙ୍କ ଡ୍ରୋନ ଉଡାଣ!

    ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ସୁକମା ଜିଲ୍ଲାର ବିଭିନ୍ନ ସିଆରପିଏଫ୍‌ କ୍ୟାମ୍ପ ଉପରେ ଡ୍ରୋନ୍‌ କ୍ୟାମେରା ଉଡ଼ୁଥିବା ପୁଲିସ୍‌ ସନ୍ଦେହ କରୁଛି । ଗତ କିଛି ଦିନ ହେଲେ ମଧ୍ୟରାତ୍ରିରେ ସିଆରପିଏଫ୍‌ କ୍ୟାମ୍ପ ଉପରେ ଜୁଳିଜୁଳିଆ ପୋକ୍ ଭଳି ଆଲୋକ ଦେଖାଯାଉଛି । ଯାହାକି ସ୍ଥାନୀୟ ପୁଲିସ୍‌କୁ ଚିନ୍ତାରେ ପକାଇ ଦେଇଛି । ଏହା ନକ୍ସଲଙ୍କ ଡ୍ରୋନ କ୍ୟାମେରା ବୋଲି ସନ୍ଦେହ କରାଯାଉଛି । ଏହି ଘଟଣାକୁ ନେଇ ପୁଲିସ୍‌ ତତ୍ପରତା ପ୍ରକାଶ କରିବା ସହ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରିଛି ।

    heavy rain alert in odisha

    4ଟି ଜିଲ୍ଲାକୁ ବର୍ଷା ସମ୍ଭାବନା

    ଆଜି ରାଜ୍ୟର କିଛି ଜିଲ୍ଲାରେ ଘଡ଼ଘଡ଼ି ସହ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ଏଥିପାଇଁ ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସତର୍କ ସୂଚନା ଜାରି କରାଯାଇଛି । କୋରାପୁଟ, ରାୟଗଡ଼ା, ଗଜପତି ଓ ମାଲକାନଗିରି ଜିଲ୍ଲାବାସୀଙ୍କୁ ସତର୍କ ରହିବାକୁ ପାଣିପାଗ ବିଭାଗ ପକ୍ଷରୁ ପରାମର୍ଶ ଦିଆଯାଇଛି । ସକାଳ 10ଟା ପର୍ଯ୍ୟନ୍ତ ସତର୍କ ରହିବାକୁ ଜିଲ୍ଲାବାସୀଙ୍କୁ ପରାମର୍ଶ ଦିଆଯାଇଛି ।

    ଅକ୍ଟୋବର 11ଓ 12 ତାରିଖରେ ମୋଦି – ଜିନ୍‌ ପିଙ୍ଗ ଭେଟ

    ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅନୁରୋଧରେ ଭାରତ ଗସ୍ତରେ ଆସୁଛନ୍ତି ଚୀନ୍‌ ପ୍ରଧାନମନ୍ତ୍ରୀ ଜି ଜିନ୍‌ପିଙ୍ଗ । ଜିନ୍‌ ପିଙ୍ଗ ଆସନ୍ତା 11 ଏବଂ 12 ତାରିଖରେ ଭାରତ ଗସ୍ତ କରିବା ସହିତ ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଦୁଇ ଦିନିଆ ଚେନ୍ନାଇ ଗସ୍ତ ସମୟରେ ପ୍ରଧାନମନ୍ତ୍ରୀଙ୍କ ସହିତ ଦ୍ବିତୀୟ ଥର ପାଇଁ ବୈଠକ ଅବସରରେ ଦ୍ବିପାକ୍ଷିକ ସମ୍ପର୍କ ଏବଂ ବିଶ୍ବ ବାଣିଜ୍ୟକୁ ନେଇ ଆଲୋଚନା ହେବ । ଉଭୟ ନେତାଙ୍କ ମଧ୍ୟରେ ପ୍ରଥମ ଆନୁଷ୍ଠାନିକ ବୈଠକ ଏପ୍ରିଲ୍‌27-28ରେ ଚୀନ୍‌ର ୟୁହାନ୍‌ରେ ଅନୁଷ୍ଠିତ ହୋଇଥିଲା ।

    ଦୁଇ ବସ୍‌ ଦୁର୍ଘଟଣାଗ୍ରସ୍ତ : 7 ଆହତ

    କଟକ-ଭୁବନେଶ୍ୱର ଜାତୀୟ ରାଜପଥର ପ୍ରତାପନଗରୀ ନିକଟରେ ଆଜି ସକାଳେ ଗୋଟିଏ ବସ୍ ଆଉ ଗୋଟିଏ ବସ୍‌କୁ ପଛରୁ ପିଟି ଦେବାରୁ 7 ଜଣ ଯାତ୍ରୀ ଆହତ ହୋଇଛନ୍ତି । ଆହତଙ୍କ ମଧ୍ୟରେ ୫ ମହିଳା ଅଛନ୍ତି । ସମସ୍ତଙ୍କୁ କଟକ ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଛି । ଦୁଇଟି ଯାକ ବସ୍‌ ଭୁବନେଶ୍ୱରରୁ କଟକ ଆସୁଥିବା ବେଳେ ଏହି ଦୁର୍ଘଟଣା ଘଟିଥିଲା। ପଛ ବସ୍‌ଟି ଦ୍ରୁତ ଗତିରେ ଆସି ଆଗ ବସ୍‌ଟିକୁ ପଛରୁ ପିଟି ଥିଲା ବୋଲି ପ୍ରତ୍ୟକ୍ଷଦର୍ଶୀଙ୍କ ସୂତ୍ରରୁ ଜଣାପଡ଼ିଛି ।

    ଭିଡ ହିଂସା ମନ୍ତବ୍ୟକୁ ନେଇ ମୋହନ ଭାଗବତଙ୍କୁ ଓଓ୍ବେସୀଙ୍କ ସମାଲୋଚନା

    ଆରଏସ୍‌ଏସ୍‌ ମୁଖ୍ୟ ମୋହନ ଭାଗବତଙ୍କ ଭିଡ ହିଂସା ମନ୍ତବ୍ୟକୁ ନେଇ ହାଇଦ୍ରାବାଦ ସାଂସଦ ଅସଦ୍ଦୁଦ୍ଦିନ୍‌ ଓଓ୍ବେସୀ ସମାଲୋଚନା କରିଛନ୍ତି । ଆରଏସ୍‌ଏସ୍‌କୁ ସମାଲୋଚନା କରି ଓଓ୍ବେସୀ କହିଛନ୍ତି, ଯଦି ଭିଡ ହିଂସା ଭାରତୀୟ ସଂସ୍କୃତି ନୁହେଁ ତେବେ ବିଗତ ପାଞ୍ଚ ବର୍ଷ ମଧ୍ୟରେ ଭାରତରେ ଭିଡ ହିଂସା ବଢିବାର କାରଣ କଣ? ଗଡ୍‌ସେଙ୍କୁ ଭକ୍ତି କରୁଥିବା କିଛି ବିଜେପି ସାଂସଦ ଏପରି ଭିଡ ହିଂସାର କାରଣ ବୋଲି ଓଓ୍ବେସୀ କହିଛନ୍ତି । ଭାଗବତଙ୍କୁ ଟାର୍ଗେଟ କରି ଓଓ୍ବେସୀ କହିଛନ୍ତି ଜାତିର ପିତା ମହାତ୍ମା ଗାନ୍ଧୀଙ୍କୁ ଜଣେ ବ୍ୟକ୍ତି ହତ୍ୟା କରିଥିବା ବେଳେ ସେହି ବ୍ୟକ୍ତିଙ୍କ ପ୍ରତିମୂର୍ତ୍ତିରେ ବିଜେପି ସାଂସଦ ପୁଷ୍ପମାଲ୍ୟ ଅର୍ପଣ କରୁଛନ୍ତି ।

    ଦୁର୍ଗା ମୂର୍ତ୍ତି ଭସାଣୀ ସମୟରେ ଅଘଟଣ : ନଦୀରେ ବୁଡି 7 ମୃତ

    ଗତକାଲି ଦୁର୍ଗା ମୂର୍ତ୍ତି ଭସାଣୀ ସମୟରେ ନଦୀରେ ବୁଡ଼ି ଯାଇ 7 ଜଣଙ୍କ ମୃତ୍ୟୁ ଘଟିଥିବା ବେଳେ ତିନି ଜଣ ନିଖୋଜ ଅଛନ୍ତି। ରାଜସ୍ଥାନର ଢୋଲପୁରରେ ଏଭଳି ଅଭାବନୀୟ ଘଟଣା ଘଟିଛି। ଗତକାଲି ଢୋଲପୁରରେ ଥିବା ପାର୍ବତୀ ନଦୀରେ ଦୁଇଟି ପୃଥକ ପୃଥକ ସ୍ଥାନରେ ମା’ ଦୁର୍ଗାଙ୍କ ମୂର୍ତ୍ତି ବିସର୍ଜନ ବେଳେ ଏହି ଅଘଟଣ ଘଟିଥିଲା। ଦୁଇଟି ସ୍ଥାନରେ ମୋଟ 10 ଜଣ ନଦୀର ସ୍ରୋତରେ ଭାସି ଯାଇଥିଲେ। ଏହାପରେ ନଦୀ କୂଳରେ ଥିବା ସେପଉ ପୁଲିସ୍ ଷ୍ଟେସନ ନିକଟରୁ ଜଣଙ୍କର ଶବ ଉଦ୍ଧାର ହୋଇଥିଲା। ପାର୍ବତୀ ନଦୀ ସହିତ ଯୋଡ଼ି ହୋଇଥିବା ଚମ୍ୱଲ ନଦୀରୁ ଆଉ 4ଟି ମୃତଦେହ ଉଦ୍ଧାର କରାଯାଇଥିଲା।